Johnnyhabibe-Anchorman

Arubadag 2014

Rijswijk-Oranjestad – Minister di Turismo y Cultura sr. Otmar Oduber den su discurso pa bisa cu e di 37 edicion di Arubadag ta un bon momento pa mira bek ariba e importancia di 18 di maart pa e celebracion di nos dia nacional. Segun e mandatario 18 di maart ta un dia importante pa tur Arubiano. ‘Un di e caracternan mas importante di e Arubiano ta cu e amor pa su isla ta incondicional y cu e no conoce frontera. Nos himno y bandera no unicamente ta simbolonan, pero nan ta forma e basis di nos cultura. Nan ta inspira nos na tur momento, bou tur circumstancia y ariba tur tereno pa nos por eccelera, E fecha di 18 di maart tambe ta simbolo di nos autonomia y cu nos por para ariba nos mesun pia den Reino. Ariba e dia aki nos ta recorda e lucha largo di hopi generacionnan pa nos Status Aparte asina anhela. Nos no por lubida tur e trabao y sacrificionan di e lidernan di e tempo ey y nos antepasadonan,’ asina e mandatario a bisa.

Sr. Oduber a bisa cu e Status Aparte di Aruba ta encera mas cu unicamente un relacion estatal den Reino. ‘Nos Status Aparte ta e resultado di un deseo grandi y hancra den un nacion pa dicidi ariba su mesun destino. Ta nos tarea y nos obligacion pa segura cu e logronan di nos Status Aparte yega na e generacion di awor. Den cuadro di esaki mester rindi honor na cuater lidernan politico di Aruba y nan rol den e lucha cu a culmina den e Status Aparte pa Aruba ariba prome di januari 1986. Esakinan ta Henny Eman, Shon A Eman, Juancho Irausquin y Betico Croes. Danki na nan vision, curashi, motivacion y nan inspiracion como lider cu awe nos por celebra Arubadag. Tambe danki na e Status Aparte cu Aruba na e momento aki ta un di e paisnan mas prospero den e hemisfera occidental.’
‘Desde e segundo mitar di anjanan ochenta di e siglo pasa, turismo a bira e pilar economico mas grandi di Aruba. Den e luz di e nesesidad pa trece diversificacion economico, Gobierno di Aruba den e proximo anjanan lo duna atencion special na e desaroyo di Aruba como Gateway entre Europa y e mercadonan creciente den America Latina. Cu esaki lo pone e basis pa actividadnan economico nobo na unda lo contrentra principalmente ariba conocemente, sciencia, technologia y e imagen  di Aruba como isla duradero. Nos posicion strategico, infrastructura, stabilidad politico, un clima di inversion hopi ventahoso, e network regional atrabes di cooperacion cu embahadanan, un poblacion multi lengual y e experencia cu e custumbernan di e paisnan den e region ta haci di nos un partner di negoshi interesante pa inversionistanan Hulandes, Europeo y Latino Americano. Gobierno lo sigi traha ariba e actividadnan economico aki durante di e periodo 2013 pa 2017, loke ta crea mas trabao ariba nivelnan halto pa e Arubiano y sigur e Arubiano cu ta biba na Hulanda,’ segun minister Otmar Oduber.
E mandatario a termina na desea tur presente un bunita celebracion di nos dia akin a Hulanda.

Rijswijk-Oranjestad – ‘Arubadag ta mas cu unicamente celebracion cu nos a haya nos mesun bandera y himno. E ta nifica un manifestacion puro di nos amor pa nos patria, aprecio pa nos mesun cultura, orguyoso ariba nos identidad.. y sigur un celebracion di nos autodeterminacion. Ta exactamente e experencia aki cu nos tur cu otro lo mester cultiva. Si bo ta leu for di bo patria y bo mester adapta bo mes na un hogar nobo, esey no mester bai a consequencia di bo identidad. Nos metanan ta sinta den nos mesun forsa, ancra den pasado, pero cu e simbolonan cu awe nos ta celebra. Nan lo guia nos den e direccion pa un mihor porvenir den nos di “dos patria”. Esaki Minister Plenipotenciario di Aruba sr. Alfonso Boekhoudt a bisa den su discurso durante di Arubadag na Rijswijk. Esaki ta e prome Arubadag den cual e ta funciona como anfitrion.
E mandatario a bisa e celebracion di Aruba tabata unicamente possible cu e cooperacion di e personal di Gabinete di Aruba, e grupo grandi di voluntarionan. ‘Un evento cu na prome instante tabata dirigi ariba e comunidad Arubiano na Hulanda, pero cu tempo a crece bira un evento multicultural. Tambe loke ta haci e celebracion na Hulanda unico, ta un grupo grandi di Arubiano cu ta bin Hulanda especial pa e celebracion aki,’ asina sr. Boekhoudt a bisa.

THE ANCHORMAN

A R U B A S   T O P  20 E   R E S U M E N   DI  S I M A N 

DIASABRA DIA 29 DI MAART 2014

1/3.. MUNDO TA UN MILAGER-MICHELANGELO KOOLMAN

2/1..A BAILAR – SOLO BANDA SHOW

3/5.. INVINSIBLE – U2

4/6.. LET HER DOWN EASY – GEORGE MICHEAL

5/2.. BREAKING THE WALL- ANGELO CROES

6/9.. ADORE YOU-MILEY_CYRUS

7/10.. SAY SOMETHING-A GREAT BIG WORLD—CHRISTINA AGUILERA

8/11.. GLOWING – D.A.

9/12.. COSITAS – LANDHA HENRIQUEZ

10/13.. YOU’RE MINE-MARIAH CREY-TREY

11/4.. LA FOTO DE LOS DOS-CARLOS VIVES

12/14.. WILD WILD LOVE-PITBULL_FEAT._G.R.L

13/15.. EVERY DAY-BIGGY BOY-UPGRADE MUSIC

14/16.. ME AND MY BROKEN HEART-RIXTON

15/17.. MI TIN UN AMOR-CASI ROOSJE

16/7.. DANCE FLOOR – NICK CANNON

17/19.. LA LUZ – JUANES

18/– LAND OF SOCA-SASHA MELODY

19/– TO LOVE SOMEBODY – MICHAEL BUBLE

20/– JUNGLE –BUSY EARWIN

 Diasabra den aire for di 4 or pa 6 or di atardi na Hit 94 FM Stereo 

riba 94.1 MHZ .

Arubian Soul

Oranjestad 27 maart, – Cu Aruba tin hopi talentonan musical no ta informacion nobo, mirando e gran cantidad di musiconan cu a toca den carnaval. Pero dicon no uni tur nos talentonan local den un album di colaboracion? Y brinda nan un plataforma adecua manera nos teatro local?

Esey ta lo cual Arubian Soul ta encera. Otro siman diamars dia 1 di April, Cas di Cultura lo host e prome concierto unda tur e musiconan local cu a traha riba e album “Arubian Soul”, produci cu e sosten financiero di Unoca, lo presenta nan cancionnan na publico presente. Por disfruta di un dushi Tumba, Jazz of hasta Son Montuno, mescla cu otro influencianan manera Jazz y Pop.

Ta e intencion cu e album aki haya acogida international pa promove musica Rubiano como un ehemplo di ‘World Music’.

Artistanan famoso como Michelangelo Koolman, conoci pa su cancion exitoso “Mundo ta un Milager”, Martin Buitenweg cu a aregla casi tur e guitara pa e album, Miguel Genser, conoci no solamente pa su bunita voz pero tambe ta e actor principal den e pelicula popular “Abo So” ta djis un par di nombernan presentando nan obra e anochi aki.

Otro musiconan participando ta Ron Martis, cu e cantica “ Mi kier sa’ Jelitza Croes cantando e tumba “ Mihor nos separa”, Chantal Quandt pa e cantica ‘ Un Bon Muhe” y Ruthjean Landaeta Helder hunto cu su casa Rajiv Landaeta lo canta “ Awe te cos” y e wals Antiano“ Aruba ta mi cas”.

Tickets pa e show bunita aki ta obtenibel na Cas di Cultura. Fecha: Diamars dia 1 di April, 8:00-10:00pm.

E album ta obtenibel riba ITunes, na Cas di Cultura dia di e show, na Waf dilanti Royal Plaza, Hopi Bon Grill, Unoca y cerca Michelangelo Koolman.

Exposicion

Diabierna awor dia 4 di april tin apertura di un exposicion di cuadra di sr. Rob van Rooijen na biblioteca na Playa. E exposicion ta habri durante orario di biblioteca pa algun siman. Un y tur ta bon bini pa pasa wak e obranan di van Rooijen.

Van Rooijen (’41) a traha 50 aña como opticien na Aruba y e ta un pintor hobbyista. Den su tempo liber e tabata pinta y e ta pinta ainda un poco mas desde cu el a baha cu pensioen aña pasa. E ta hasi esaki cu hopi goso y placer. Esaki a resulta den un produccion grandi di cuadra cu van Rooijen kier comparti cu publico. Van Rooijen ta haya inspiracion for di e bunita paisahenan di Aruba, imahennan folklorico y tipico, monumentonan y casnan tipico, flora y fauna. E exposicion ta habri di dia 4 dia april te cu dia 23 di april pa publico, esaki ta gratis.

Arcoya Hotel

ORANJESTAD, Aruba 27 di Maart: Durante un presentacion pa agentenan di viahe y prensa e Sales Manager di ACOYA sr. Henry Martijn a introduci e resort na e pueblo Arubano. ACOYA ta un resort tropical cu 145 acomodacion di luho (Studios, Suites y Villas)y ta cubri un area di mas cu 37000 meter cuadra. ACOYA ta e unico resort na Corsow cu tin un lago natural rondona pa e villas.

E bishitante di ACOYA lo por disfruta di un piscina unico den su estilo tipo “Infinity” rondona pa santo di lama, dos restaurant di calidad, un centro di buceo, un wellness center, internet gratis y hasta un area cu actividad pa mucha.

ACOYA tin un ubicacion central na 5 minut for di areanan commercial, luganan di entretenimento manera Mambo Beach, Cabana Beach, Wet & Wild y hopi otro mas.

E ekipo di maneho di ACOYA Hotel Suites & Villas ta forma pa sra. Valerie Trenidad como General Manager. Sra. Trenidad tin mas di 30 aña di experencia den mundo di hoteleria formando parti di entre otro Sonesta, Marriott y Superclubs Breezes. Sr. Ghatim Kabbara como Business Development Director.

Sr. Kabbara ta conoci pa su tremendo trabao como Director di Oficina di Turismo Corsow y amplio conocimento den e ramo turistico. Por ultimo sr. Henry Martijn como Sales Manager. Sr. Martijn tin mas cu 20 aña di experiencia den mundo di hoteleria formando parti di entre otro Plaza Hotel Curacao, Kontiki Beach Resort, Plaza Resort Bonaire y Tierra del Sol Aruba.

Pa mas informacion y/of reservacion por bishita www.acoyacuracao.com of por tuma contacto via number di telefon +59994613837

KLM

E aña aki Arubadag lo wordo celebra diadomingo 30 di maart na Rijswijk y tur cos ta mustra cu e biaha aki e lo ta un celebracion grandi un biaha mas danki na Gobierno y sector priva.

Minister Otmar Oduber ta na Hulanda caba atendiendo diferente otro reunion y naturalmente lo ta presente na e gran celebracion aki di Dia Aruba pa hunto cu nos comunidad bibando na tera friu y tambe demas invitadonan celebra esaki pa promer biaha como Minister di Cultura.

E aña aki lo tin diferente presentacionnan pa hiba un poco di e cultura y calor di nos isla na nos madre patria. Lo tin presentacion di The Failures, Tsunami, Jeon & Ata Niro, Vine Irie Offshore, Kids & Youth In Action, Recruit, Ganador di un Canto na Nos Himno y Bandera, entre otro.

Minister Oduber ta sumamente contento con e organizacion di e evento ta bayendo y e bon comentarionan ricibi te na e momentonan aki y tur esaki a pesar cu gastonan e aña aki a wordo corta cu mas di 50%.

El a bisa “Nos kier accentua cu e aña aki e gastonan ta hopi mas abou cu aña anterior y toch tur cos ta mustra cu Arubadag e aña aki lo ta uno grandi un biaha mas”. El a agrega cu e comision organisatorio ta contento cu e gastonan a wordo baha na mitad y cu nan ta wordo carga dor di Gobierno y sector priva.

Un danki special ta bay na CMB, AAA y Setar na Aruba y Boogaard y otro companianan cu hunto cu Gobierno a logra organiza e evento aki y cu diadomingo awor Hulanda lo por disfruta di dje.

Agustin Stamper

Oranjestad-Amsterdam- Den un conversacion cu Noticiero 94 Sr.Agustin Stamper for di Hulanda a informa cu lo ta bon pa tur nos jiunan di tera pa nos enfoca cu nos ta un isla no un Pais,esaki ta complica nos,y esaki ta un areglo estatal di independencia. No unicamente Pais ta desnaturalisa nos pero tambe e areglo pais ta pushando nos hendenan den un amargura di independencia. Surinam a bira independiente na 1975 y esnan di antillas a stop di existi dia 10 di October di 2010.

Segun Stamper Berdad for di prome di januarie 1986 e la ricibi e areglo di estatal Pais. Den e areglo nos no mag enfoca riba un of otro areglo estatal di independencia pa e hecho cu nos mes ta perhudica nos mes y nos jiunan tambe. Den e materia di nos condicion humano den nos reinado nos no mag torno na leynan di naturalesa,torno na nos mes un mentalidad di isla.

Sr.Agustin Stamper ta sigi amplia via nos Player: