Den cuadro di Dia Mundial di Awa 2014 WEB TA ELABORA RIBA CALIDAD Y PRODUCCION SOSTENIBEL DI AWA

Posted: March 20, 2014 in Noticiero 94
Web Aruba NV

Web Aruba NV

ORANJESTAD – Diasabra 22 di maart ta Dia Mundial di Awa. Tema di e dia proclama pa Nacionnan Uni e aña aki ta: Awa y Energia. Esaki ta un tema central den esfuersonan mundial pa logra un futuro sostenibel. Aruba conoce un desaroyo rapido, caminda sostenibilidad ta hunga un rol importante. Consumidornan, companianan, tur tin un interes den nos awa. Conduci pa eficiencia y sostenibilidad, tin esnan cu ta explora oportunidadnan di recicla awa. Esnan cu ta conduci pa salubridad, ta enfoca mas tanto riba e calidad di awa di bebe. Den cuadro di Dia Mundial di Awa 2014, compania di awa y energia, WEB Aruba ta elabora riba e tema importante aki.

Calidad di Awa

Ultimamente calidad di awa potabel di Aruba ta hopi den discusion. Cu un trayectoria di casi 82 aña, WEB semper a pone exigencia halto na calidad di su awa. Structuralmente WEB su propio laboratorio cu por cierto ta ISO certifica, pero tambe Landslaboratorium, ta test e awa produci na WEB na 26 punto strategico riba nos isla. Ademas anualmente ta laga e laboratorio internacional y independiente ‘National Testing Laboratories Ltd.’ test e proceso di produccion di awa y e sistema di distribucion di WEB. Tambe ta laga World Health Organization (WHO) periodicamente haci investigacion pa comproba cu awa desalina pa WEB, ta cuadra cu standardnan internacional di awa stipula pa WHO. E rapport di WHO di juni 2013 ta confirma cu e awa di WEB ta, mas cu, cumpli cu e standardnan internacional.

Pa lo cual ta e sostenibilidad di awa y e eficiencia den su produccion, e ultimo 8 añanan, WEB a enfoca riba reduccion di uzo di combustibel pa su produccion di awa. Na mes momento, WEB a hunga un rol importante pa conscientisa comunidad di e importancia di uzo responsabel di un di e fuentenan di bida mas importante. Actualmente ta trahando riba proyectonan pa investiga reciclahe di awa na un manera responsabel, entre otro via e proyecto di Smart Community.

Ley di Awa

Nos pais ta desaroya rapidamente y segun tempo, sostenibilidad ta crece hunga un rol mas y mas importante. Parti di e desaroyo aki ta cu mester por garantisa e calidad di nos awa y evita cualkier impacto negativo riba salud di hende. Den su maneho pa yega na un produccion di awa y energia mas limpi, mas berde y liber di combustibel tradicional pa aña 2020, WEB for di aña pasa a pone contacto cu diferente instancia gubernamental pa logra institui un ley di awa. WEB ta informa cu actualmente e ta trahando riba un proposicion di ley pa pronto ofrece esaki na gobierno. Di otro banda WEB ta mira e importancia di educa su futuro generacion riba tereno di un produccion sostenibel di awa y energia. Den e cuadro aki e aña aki WEB tin como un di su metanan strategico pa aporta na educacion di hobennan riba tereno di tecnologia di produccion sostenibel.

Pabien!

Den cuadro di Dia Mundial di Awa 2014, gerencia di WEB Aruba kier haci uzo di e oportunidad pa gradici pueblo di Aruba pa e sosten y confiansa di semper. Tambe gerencia di WEB ta gradici tur su empleadonan pa e motivacion y esfuerso continuo pa ofrece nos comunidad awa di mihor calidad na mundo.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s