Minister Otmar Oduber Preclearance Mericano na General Aviation ta crea oportunidadnan nobo pa nos turismo Posibilidadnan pa desaroya mercadonan existente y habri mercadonan nobo

Posted: March 20, 2014 in Noticiero 94
Ministro Otmar Oduber

Ministro Otmar Oduber

Oranjestad – Diahuebs atardi a tuma lugar e apertura oficial di e preclearance Mericano na General Aviation.

Presente na e gran ocasion aki tabata Premier Eman, Minister Otmar Oduber y Minister Mike de Meza, kendenan a wordo acompaña pa ehecutivonan di CBP (Customs and Border Protection), di General Aviation, di AAA y demas invitadonan.

Minister Otmar Oduber a indica cu e preclearance aki a hopi importante pa Aruba, pasobra e ta crea oportunidadnan nobo pa nos turismo, e ta crea posibilidadnan di desaroya mercadonan cu ya caba ta haci uso di dje, particularmente Venezuela, pero tambe ta habri oportunidadnan y mercadonan nobo cu por wordo acerca.

E mandatario a mustra hopi orguyoso ora el a menciona cu Aruba ta e promer pais den Caribe cu ta haya e preclearance Mericano pa e parti di avionnan priva. E ta haya esaki algo sumamente importante. “Esaki naturalmente no a bin sin mas, mi tin cu felicita Sr. (Claudio) Stamper cu Universal Aviation como tambe Weather cu ta e dos companianan cu tin inversion akinan. Nan a pone e infrastructura completo”.

For di 2012 tabata aproba pa e facilidad aki bin den funcion y durante biahe di Minister Otmar Oduber pa Washington aña pasa durante un conversacion na State Department hunto cu Dylan De Francisci (CBP Director of Preclearance Operations) a logra pusha esaki pa por fin por a cuminsa e operacionnan. “Mi ta sumamente contento cu nos por a logra esaki pasobra manera ma bisa e ta crea oportunidadnan nobo pa Aruba”.

Mirando e oportunidadnan nobo aki, Minister a menciona cu e cliente mas grandi di General Aviation na e momentonan aki ta esun di Venezuela, e ta sigur cu e mercado aki lo bira mas grandi. No solamente nan lo bin pa e preclearance, nan lo keda algun dia Aruba promer cu nan sigui pa Merca of vice versa. Den e cuadro aki e ta di opinion cu ATA mester probecha di e oportunidad aki di por atrae personanan cu ta willing pa bin pasa un par di dia na Aruba y despues na Merca mirando e servicio adicional aki.

Minister Otmar Oduber ta sinti su mes sumamente orguyoso pasobra a pesar cu ya caba nos tabatin preclearance na Aruba, tabata un trabou hopi grandi di convence Washington pa mas pronto cu ta posibel hinca e parti nobo den operacion. E ta considera cu e preclearance nobo aki ta trece beneficionan pa Aruba. Ademas di a estrecha e relacionnan cu CBP conta cu e servicio adicional aki ta duna nos destinacion e oportunidad di sigui crece y atrae mas avionnan , esaki ta duna nos isla un ‘edge’  riba nos competencia, e ta duna e calidad cu nos ta buscando, pasobra mas aerolinea lo ta interesa di tin mas posibilidad, mas ora mas slotnan na Aruba pa por bin cu nan avionnan for di diferente partinan y di e forma aki por drenta Merca tambe.

“Definitivamente e ta un momento hopi special y cu mi ta sigur cu e ta un base pa por sigui crece riba dje”, Minister Otmar Oduber a finaliza bisando.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s