MARLON SNEEK TA ACUSA EMPLEADONAN DI DOW DI A HORTA ASFALT DEN ASFALT-GATE

Posted: March 21, 2014 in Noticiero 94
Parlamentario Marlon Sneek

Parlamentario Marlon Sneek

“Piensa el ladron que todos son de su condicion”

Oranjestad – Marlon Sneek ta lider di fraccion interino di AVP y pesey ta su persona ta esun cu tin cu sali defende e asfalt-gate. Mirando cu Mike Eman y Baba Herde y Marisol Lopez a pusta go-kart y ta hinca den e corupcion aki, nan no por papia, pesey ta Marlon Sneek mester hasi’e.
Den un entrevista cu Canal 22, ora ela wordo poni bow presion Marlon Sneek a acusa trahadornan di DOW di a horta asfalt, pasobra segun Marlon Sneek ta masha poco asfalt a wordo usa pa e careda di go-kart, sinembargo DOW a bisa cu ta 85 ton di asfalt a wordo usa. Pesey Marlon Sneek kiermeen cu mester investiga ken a bai cu e resto di asfalt.
Mescos cu un chapaleta di koper por a desaparese for di tereno di waf, awor e parlamentario di AVP ta acusa trahadornan di DOW di a horta e asfalt. Ta tristo cu e lider interino di fraccion di AVP ta lansa acusacionnan asina baho, djis pasobra e no por saca su curpa di e problema cu e mes a hinca su mes den dje. Tin un dicho ta bisa “piensa el ladron que todos son de su condicion”, y pesey Marlon Sneek, cu den pasado a wordo gara ta horta wisky y jeans, ta pensa cu tur otro hende ta mescos cun’e. E expresion aki ta di condena, y Marlon Sneek mester pidi disculpa publicamente na empleadonan di DOW

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s