“Projecto di 10.000 mata ta sigui crece durante aña 2014” Departamento di Agricultura, Cria y Pesca cu projecto pa brinda sosten na communidad

Posted: March 21, 2014 in Noticiero 94
Projecto Agricultura

Projecto Agricultura

Oranjestad- Desde aña 2012 Departamento di Agricultura, Cria y Pesca (Santa Rosa) cumpliendo cu e vision di Minister di Turismo, Transporte, Cultura y Sector Primario, Sr. Otmar Oduber a bin ta encabesa e projecto di 10.000 mata pa Aruba.

E projecto aki a wordo crea principalmente pa den un forma sustenibel provee pueblo cu frutanan fresco y embeyesemente di nos isla.

Na aña 2012 e projecto aki a wordo inaugura unda cu a planta 100 mata di fruta na e viviendanan na Cura Cabay. Durante e aña Santa Rosa a haci entrega di matanan na diferente scol, centro pa muchanan special y hende grandi, fundacion y stichtingnan unda cu mas di 1000 mata a wordo planta.

Durante aña 2013 e projecto di 10.000 mata a sigui crece unda cu a planta  y haci entraga di mata na diferente localidadnan manera na Fatima College y e projecto di enbeyesemento di Linear Park unda a planta 200 mata di diferente fruta y matanan local manera Mango, Druif di lama, Breba, Kibrahacha, Mahok y hopi mas.

Pa aña 2014 Departamento di Agricultura, Cria y Pesca lo sigui engrandece e projecto di 10.000 mata y ja tin un cantidad grandi di localidadnan riba lista pa ricibi mata.

YMCA na San Nicolas y Monumentenzorg Scol Kudawecha tabata riba e lista di esnan pa ricibi mata e aña aki cual a wordo haci recientement. Na e momentonan aki Centro Colorado ta en espera di nan matanan pa asina tambe forma parti di e grandioso projecto aki.

E trabou cu Santa Rosa ta haci pa cu e projecto di 10.000 mata no ta insera solamente repartimento di mata sino tambe ta yuda cu planning di infrastructura y brinda conseho pa cu e miho manera pa mantene e matanan.

E projecto di 10.000 mata  ta premira di lo sigui crece grandemente durante aña 2014 cu e meta pa planta matanan di fruta y matanan local y asina brinda pueblo cu embeyesemento di nos isla y como tambe cuminda den un forma sustenibel.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s