Fin di siman cu a pasa a tuma luga e accion boluntario di mas grandi den Reino. Na total a haci mas cu 9000 trabou den organisacionnan social na Aruba, Boneiro, Corsou y Hulanda.
E dianan 21 y 22 di maart tabata brota di energia positivo cerca hopi organisacion di bon causa. Mas cu shen mil boluntario a pone man na obra y a haci trabounan cu di otro forma hamas lo a wordo haci.
Durante ARUBA DOET, unda 134 trabou boluntario a keda completa, Gobernador di Aruba Sr. Freddy Refunjol, a haci e apertura na Stichting Thuiszorg Aruba unda a verf e cambernan di e habitantenan. Durante e accion di BON DOET un total di 66 trabou a keda acaba. Na Corsou, unda a organisa CURA DOET pa prome biaha, por a conta di biaha cu un entusiasmo enorme unda mas di 130 trabou boluntario a keda completa.
Claro cu e aña aki tambe, Rey y Reina a aporta na un organisacion social. E aña aki nan tabata di bishita na “Kinderboerderij Het Akkertje” na Rijswijk unda nan a yuda verf e stalnan.
Johnnyhabibe-Anchorman 