Archive for March, 2014

Eveline Wever Croes

Evelyn Wever Croes

Oranjestad-Lider di MEP Evelyn Wever-Croes durante conferencia di prensa di MEP a duna di conose cu Secretario General encarga cu asuntonan di Reino a expresa su opinion riba e vision financiero di e gobierno actual, cu ta e “balanced budget rule” y e plafon di gasto di 1350. E Secretario General a bisa cla y raspa cu eseynan no ta suficiente.  Aruba su problema ta cu mester controla con gobierno ta calcula su entradanan, y tanten bo no tin hendenan experto y obhetivo ta controla esey, nunca bo por mehora bo situacion financiero. Actualmente ta e minister y algun hende rond di dje ta tover algun cifras, mescos cu tempo di Tico Croes y su toverformule. Y ningun hende por confia nan den esaki.

Mas alew e Secretario General ta di opinion cu bo mester di un instancia obhetivo pa controla si gobierno ta keda dentro di margen di e presupuesto. Pasobra actualmente no tin confiansa den esaki.
Lider di MEP a reitera cu e nota “Feestvierend ten ondergaan – het vervolg” cu a wordo traha pa MEP y entrega na e Secretario General, ta contene tur datos financiero exacto pa yega na e conclusion cu desde cu Mike Eman y AVP a sinta, nan a hasi un desastre di e situacion financiero. Hulanda ta na altura di esaki, y nan ta avisa.
“Danki Dios Hulanda no por mete den nos asuntonan, pasobra nos tin autonomia riba e tereno aki danki na e lucha cu Betico Croes a hiba. Pero nan ta na altura y nan ta avisa. Pasobra si Hulanda sigi tene man riba cabes di AVP sabiendo cu nos situacion financiero ta asina malo, nos ta tene Hulanda co-responsabel pa e desastre financiero di nos pais”, lider di MEP a duna di conose.

Ekipo di Damas

Ekipo di Damas

Oranjestad-Diadomingo nochi nos equipo di damas a gaña nan prome wega – despues to hopi hopi tempo. Cos pa celebra y ta contento d’je. No ta importa contra cua equipo nan a gaña, pero mas importante ta pa compronde e lucha cu hiba pa nan yega aki. Nos/nan lema Nunka …”Never give up”.
Cu esaki tambe direcitva di FC San Nicolaas kier a felicita nos hungadornan hubenil di nos equipo di damas, nan derigentenan e nan majornan y tambe di mez tur nos fiel fanatico, cu di comeinso semper ta hunto cu nos. Hopi pabien cu e logro esaki. Por esaki ta algun chiquito otronan, pero pa nos y esan cu sa con duro e lucha tawata e ta un triunfo mas grandi. Danki y sigui asina y sigui haci nos orguyoso.
Tambe nos kier informa cu actualmente nos equipo di Divicion I ta na di 2 lugar den e campeonato y nan tin hopi chens pa sali campeon y tambe despues classifica pa hoodf klas. Si, ora esaki pasa despues di hopi hopi anja San Nicolaas lo tin su representante den nos Divicion Honor. Ke ubo …nos ta ban pey!? Ban San Nicolaas, ban apoya boso yuinan.
Diez pa corda, keto bay nos ta buskanado sponsorsnan pa nos tres equiponan. Nos mester di sponsornan pasobra y peso financiero ta grandi y nos mester di ayuda cu esaki. Esan cu kier yuda nos cu sponsor of donacion por fabor tuma contacto cu nos via email fcsannicolaas@gmail.com

Ferdinandus Vasco

Ferdinandus Vasco

ORANJESTAD,  Aruba 26 di Maart 2014:  E Proyecto Auto-Estima Aruba (PAEA) tin apenas un luna y mey cu a cuminza cu e certificacion di un grupo nobo di participante kendenan lo bira e futuro asistentenan di e proyecto.

E personanan cu ta participando den e training aki ta pasando den diferente fase pa asina yega na nan meta, cual lo sosode na April 2015.

Actualmente e Proyecto Auto-Estima Aruba ta wordo organiza door di ELKA & Associates NV y na e momentonan aki e ta den un fase hopi avanza unda tin guia personal pa personanan di tur edad como tambe grupal.

Na 2011, Abigael Arends a tuma over e Proyecto Auto-Estima Aruba. Siguiendo e legado cu su mama Lucy Arends (QEPD) Arends a laga p’e di continua cu e Proyecto Internacional di Auto-Estima Aruba.

Hopi comentario positivo ta ser scucha di PAEA.  Ferdinandus Vasco ta un di e participantenan di e programa aki. Vasco ta trahando na Colegio EPI y el a laga sa cu e tempo cu el a tende di e proyecto e mes tabata den un proceso pa supera traumanan den bida, descubri e ser cu e ta actualmente y encontra su mes.

Ora cu el a cuminza cu e programa e tabata tin hopi expectativa ya cu el a haya sa cu e proyecto aki na Aruba a cuminza cu un persona mundialmente reconoci cu ta Bob Mandel y cu e lider Abigael Arends tin contactonan hopi importante na nivel internacional cu ta aporta na e proyecto aki.

   “Basicamente mi a expect hopi den e sentido cu mi por a sinti cu tabata tin hopi pa ricibi. Tabata tin hopi pa siña di dje”, Ferdinandus Vasco a manifesta.

El a keda hopi entusiasma di tende con ELKA & Associates NV ta envolvi den proyectonan den bario, di hubentud y Let’s Talk atendiendo e problema di gang den nos comunidad.

Segun Vasco, e ta un persona cu ta hopi den contacto cu hobennan door di su trabao como docente y como parti di e personal di Colegio EPI. Eynan e por wak unda e retonan ta y unda e dolornan ta sinta.

Casi dos luna a pasa cu Ferdinandus Vasco a bira parti di e Proyecto Auto-Estima Aruba y el a laga sa cu e ta sinti “emocionalmente mas light, liber y mas na paz cu mi mes. Bo ta wak cada caso diferente, bo ta siña hopi mas e pasonan di tolerencia, di acepta bo mes y otronan como persona. Aworaki mi por sinti un energia mas positivo y bo ta bira hopi mas aware di cierto cosnan”.

Su meta aworaki ta pa finaliza cu e certificacion completamente y sigui bay conferencianan como tambe aporta na Elka & Associates na e diferente proyecto cu nan tin tanto local como internacionalmente. “Mi kier sigui empower mi mes y sigui habri mi mes, crece no solamente personal pero riba un nivel profesional tambe”.

Ferdinandus su mensahe pa esnan cu ainda no conoce di e proyecto aki ta pa tuma e corahe y haci’e. “Just do it, den e sentido cu hopi biaha bo tin miedo di cambionan den bo bida. Loke mi a siña tambe ta cu nos tur tin cierto cosnan di  nos pasado cu ta doloroso, hopi trauma cu inconcientemente nos no ta realiza cu nan tin efecto riba nos persona y tambe riba con nos ta anda cu nos yiu, famia, pareha, coleganan, etc”.

Mester tuma e pasonan pa e sanacion, cual ta bay hiba bo na ser un mihor persona y pa tuma e mihor pasonan den bida, el a agrega.Finalmente, Ferdinandus Vasco a expresa cu e tin solamente cosnan positivo pa bisa di e Proyecto Auto-Estima Aruba y e ta conseha tur hende pa tuma e oportunidad ey di duna bo mes e chens pa ta parti di un proyecto asina.

E trayecto pa yega na un certificacion ta di un promedio di dos aña intensivo, incluyendo e parti pa ta un lider. Abigael Arends ta un persona certifica pa duna e lesnan aki y ta combina e lesnan cu e parti di conocimento y experiencia, cual ta hopi importante pa yega na e certificacion.

Actualmente Abigael Arends ta directora di ELKA & Associates NV y lider di e Proyecto Internacional di Auto-Estima Aruba. Esnan interesa den e proyecto aki por contacta Abigael Arends atravez di info@elka-aruba.com.

Stanley Dabian

Stanley Dabian

Oranjestad-Ministerio di Cultura y Departamento di Cultura Aruba (DCA) conhuntamente cu e Grupo Corector di Papiamento cu sosten di UNOCA, ta invita pueblo di Aruba en general y tur alumno di scol avansa pa e competencia di Arte di Palabra 2014.

Arte di Palabra ta un competencia literario na Papiamento di poesía y cuenta cortico. Su meta ta pa promove amor pa cultura di nos idioma Papiamento y tambe enriquece nos idioma cu creatividad di nos hubentud.

Ken por participa? E alumnonan di klas 1, 2, 3, 4, 5 y 6 di scolnan secundario, manera EPB, MAVO, HAVO, VWO y EPI klas 1 y 2.

Den e competencia aki lo tin presentacion di alumno di diferente scol secundario entre otro di Maria College, Mon Plaisir College, EPI –Horeca. Varios hoben lo competi den categoria di poesia original y di nan mes un storia cortico. E premio maximo ta cu e ganadornan lo haya e oportunidad dia 12 di april benidero pa representa Aruba den e competencia di Arte di Palabra interinsular cu lo tuma luga na Corsow.
E bataya di arte di palabra entre e hobennan na Aruba lo tuma luga na Cas di Cultura riba diasabra 29 di maart 2014, cuminsando pa 6’or di atardi.
Ban tur hunto; esta mayornan, docentenan y coleganan di scol, ban apoya nos hobennan participante y encurasha nan pa nan sigui crea y aporta na nos idioma Papiamento cu nan obra literario.

Chris Romero

Chris Romero

Oranjestad – Chris Romero di Mep a referi na e aumento cu lo tin di parti di Arubus cu lo subi cu 11 porciento. e prijs lo bira di 2,25 y lo bira 2,50 di florin.

Mirando cu ya gobierno a aumento e AZV y e AOV caminda cada trahador a bay cu suma substancial atras den nan salario. Romero ta sigi splica pa Noticiero 94 cu esaki lo pone e lo bira un peso extra pa nos comunidad. Nos tur sa cu Arubus ta un medio social na unda ta net e personanan di menos recurso ta hasi uso di e servicio aki.

Mas Sr.Romero parlamentario di Mep ta sigi bisa cu esnan cu no por cumpra auto a nan ta bay haya un gasto extra riba nan. A tende cu lo tin otro bentahanan pero esaki ta trece cu ne cu tin cierto cosnan mara cu e mester wordo hasi den 30 dia.

Sr.Chris Romero ta amplia mas via nos Player:

MelvinTromp parlamentario pa partido AVP

MelvinTromp parlamentario pa partido AVP

Oranjestad – Den e rueda di prensa di partido AVP Sr.Melvin Tromp ta bisa cu e tin cu sigi cuestiona henter e proceso di e investigacion cu ta tumando lugar den e accidente cu Sr.Besaril a haye den dje dia 8 di maart 2014.

E ta bisa cu e contestanan no a jega ainda na e miembronan di fraccion di AVP.

Sigi scucha e entrevista complete via nos Player :

Lider Di Mep Eveline Wever Croes

Lider Di Mep Eveline Wever Croes

Oranjestad-Líder di MEP ya pa basta tempo ta masha critico riba tur e problemanan cu nos grandionan ta enfrenta, y en bista di e welga di trahadornan di SABA a mustra su desaprobacion pa e maneho di gobierno.

“Trahadornan di SABA tin e tarea noble di cuida di nos grandinan. Ya pa basta tempo mi ta boga pa trata e empleadonan cu mas respet, pasobra nan trabou ta hopi duro. Varios biaha nan ta sufri problema di salud debi cu e trabou ta duro.

Ta un crimen cu gobierno no kier atende cu e asunto di nan pago manera debe ser. Nos grandinan merese un cuido digno, y pa nan haya esaki e trahadornan di SABA mester haya locual nan tin derecho riba dje. Ya caba e salarionan no ta cos di gaba, pasobra gobierno no kier pone mas placa disponible pa e empleadonana ki. Pero pa kita locual nan tin derecho riba dje, ta un crimen.

E hecho cu empleadonan mester welga pa pidi nan derecho ta un berguensa pa e gobierno aki. Principalmente pasobra gobierno tin cantidad di placa pa biahe, pa fiesta y te hasta pa core go-kart.

E siman aki MIke Eman a bolbe biaha cu un delegacion grandi pa Merca, cu ta costa nos pueblo mas di 50 mil florin. Despues e ta bolbe biaha bai Hulanda cu un delegacion hopi mas grandi ainda, y nos ta pendiente pa tende e costo di e biahe ey.

Nan fiestamento tampoco ta caba, pasobra te hasta un fiesta a organisa pasobra Mike Eman ta bai aparese na television hulandes.

E escandalo di asfalt cu a wordo usa pa por core go-kart ainda ta fresco den memoria di tur, otro deroche di placa atrobe.

Pa tur e locuranan aki si tin placa, pero pa duna empleadonan di SABA locual nan merese, no tin placa. Esaki ta algo condenable di e gobierno aki. Nos lo cana tur caminda posibel te yega na e punto cu e empleadonan haya locual nan merese”, lider di MEP Evelyn Wever-Croes a duna di conose.

 

Oranjestad-Den medionan di comunicacion a sali cu lo bai cobra pa recohe desperdicio di cas. Ora cu nos kere cu loke ta ser cobra, ta bai pa nos compania di utilidad Serlimar, pa nos gran sorpresa ta resulta awor cu e entrada aki ta bai pa yena saco di e compania competidor di Serlimar. Ta tristo pa mira con un biaha mas e gobierno di AVP ta haci tur cos cu ta nan alcanse pa desangra Serlimar. Den pasado ya esaki a ser haci, y awor nos ta mira cu nan ta haci exactamente mescos atrobe!
Pues poco poco servicionan basico ta wordo saca for di control di pueblo pa pasa nan pa comerciantenan haragan, cu kier mundo pa nan so.
Awe ta Serlimar cu e recohemento di sushi; cua compania di utilidad lo sigui? Nos no mester lubida cu e desperdicio aki ta wordo pasa pa e compania financista di AVP, pa esaki na su turno recicla esaki pa e bai bende e energia back na WEB. Pakico Serlimar mes no por a haci esaki?
Mescos ta e caso di e molinan di biento cu no ta WEB ta produci, sino WEB tin di djis cumpra, cualkier sea e prijs. Pues otro pida di un servicio basico ta bai den mannan particular. Y asina ey lo bai pasa tambe cu Elmar y despues cu Setar.
Ya caba nos ta mira cu tin intencionnan serio pa privatisa Laboratorio Nacional.

 

Oranjestad-Federacion di Ajedrez Aruba, despues di a caba celebra e Premio Excelencia den Deporte diDirigente di Aña 2013 cu CM drs. Raymundo Dijkhoff a gana, tin e grato noticia di informapueblo cu awe Diamars 25 di Maart a manda dos di su top talentonan hubenil, esta CandidateMaster Jasel “Osh” Lopez (19 aña) y Mark Bueno (15 aña), pa participa n’e American Sub Zonal2.3.5 Open Tournament, cu ta ser organisa cada dos aña. E Sub Zonalnan ta forma parti dje ciclodi clasificacion yega n’e retador di e titulo mundial. E aña aki e Sub Zonal Open lo tuma luga naTrinidad & Tobago di 26 di maart te cu 2 di april.

E ultimo añanan Aruba a yega di participa na varios ocasion n’e Sub Zonalnan. Na 2010 e actualpresidente di Federacion, CM ir. Octavio Croes y CM Osh Lopez, e hungador mas fuerte diAruba, ambos a logra di score riba 40% y a logra di haya nan titulo di Candidate Master n’e SubZonal hunga na Bahamas.

CM Osh momentaneanmente ta bibando na Hulanda unda desde aña pasa Oktober a participa nadiferente torneo fuerte (Univé Open, Schaakfestival Groningen y Campeonato di TeamHulandes) y tambe a hunga na Europa (Caissa IM na Hungria y Capelle La Grande na Francia)unda el a score tremendamento bon y mientras tanto ta e prome hungador di Aruba cu a logra dihaya un rating mas halto cu 2200.CM Osh su talento y potencial na diferente ocasion a ser reconoci door di FIDE unda a otorg’eun asina yama “travel grant” pa por participa na torneonan internacional (na 2011, 2012 2 biahay na 2013 ya el a haya travel grants). E biaha aki atrobe e ta participando na e Sub Zonalcu un “travel grant” di FIDE.

Mark Bueno momentaneamente ta un dje talentonan mas grandi aki na Aruba y el a demonstraesaki e ultimo mey aña door di gana e seccion di Challengers den e Torneo InternacionalUMADA Cup teni na Aruba (Oktober), empata na di 3 lugar durante e Festival CentroAmericano y Del Caribe na Costa Rica den e seccion U-16 Open (December), mientras cu lunapasa a titula campeon di Federacion di Ajedrez (Februari). Siman pasa el a sali sub-campeondurante e Copa Himno y Bandera. Mark lo viaha cu sosten financiero di Comision di Subsidio

Federacion di Ajedrez Aruba tin hopi confiansa den e dos talentonan aki bou di 20 aña y ta deseanan tur clase di exito na Trinidad & Tobago unda un total di 59 hungador di 10 pais loparticipa. Alabes Federacion di Ajedrez Aruba kier a gradici Comision di Subsidio y FIDEpa a haci e viahe aki posibel. Pa esnan cu kier sigui e torneo di buelta pa buelta, por wak e linkaki: http://www.chess-results.com/tnr128344.aspx?lan=1

 

Ministro Gabinete Eman 2

Ministro Gabinete Eman 2

Oranjestad-Minister Otmar Oduber den cuadro di su maneho pa haci di San Nicolas nos di dos capital turistico, a  indica cu lo conta cu tourbusnan cu lo core specifamente e ruta di San Nicolas.

Ta asina cu un total di 15 permiso pa tourbus a (y ta den proceso di) wordo otorga pa por conta cu mas bishitante pariba di nos isla. Intencion ta pa por lo menos un 40% di nos bishitantenan bay pariba di nos isla y conoce tur loke e parti aki tin di ofrece, cual ta un ambiente local, cultural, historico cu ta papia di nos herencia como isla multicultural.

Manera ta conoci, Minister Oduber a anuncia algun luna atras cu el lo elimina e moratorium pa tourbusnan, pero unicamente pa cubri e ruta di San Nicolas, es decir, e destino final di e tourbusnan aki mester ta San Nicolas. E permiso aki ta cay bou di un clausula hopi mas detaya compara cu esun ya existente cu ta un permiso habri.

E mandatario ta splica cu a habri e moratorium mirando e meta principal di atrae turistanan pa conoce San Nicolas. Usando esaki como un di e rekisitonan den e permiso particular aki pa e tourbus, unda mester pasa pariba cu e turistanan y e di dos ta e forma cu e busnan lo mester identifica nan mes. E identificacion lo tuma lugar atraves di e Fondo di Mehoracion di Producto Aruba  (TPEF) , cu lo percura pa identifica tur e tourbusnan aki cu caracteristicanan di pariba.

E ruta nobo aki cu destinacion San Nicolas lo haya un mercadeo fuerte tambe na di parti Oficina di Turismio (ATA), cu lo haci promocion riba nivel local pa motiva e turistanan cu a yega Aruba pa conoce San Nicolas.

Minister Otmar Oduber ta indica cu di parti di Gobierno y su banda, lo haci nan maximo esfuerzo pa logra loke a wordo poni dilanti pa e futuro di San Nicolas.