Johnnyhabibe-Anchorman

Stanley Dabian

Oranjestad-E hoben artista Rudyomar Leysner lo haya e honor di expone su obranan atrobe p’e comunidad Arubano.
Despues di a ser selecciona pa forma parti pa expone su obranan na ‘Zona de encuentro’ na Universidad di Caldas na Manizales Colombia di mei pa juni 2011 y a ricibi un merito pa su participacion cu fuera di esaki su obranan a keda escogi pa participa na e ‘Primer Concurso LARA’ de pintura, dibujo y escultura realista y hiperrealista na Spaña. Tambe el a expone varios biaha na Ateliers ’89 y na Biblioteca Nacional Aruba.
Diabierna dia 2 di mei venidero lo expone tur su obranan di arte, di tempo di scol basico te cu awe, cu lo encera dibuhonan, pintura y fotografia expandiendo desde arte hiper-realista te na obranan mas psicodelico den varios medio incluyendo potlood y ink, olie, etc sacando inspiracion for di diferente fuente incluyendo evolucion, naturaleza, felicidad, elemento, inocencia psicodelico y corupcion entre otro.
E apertura di e exposicion lo tuma luga diabierna 2 di mei 2014 pa 7:00 pa di anochi na UNOCA, Stadionweg 21 Oranjestad. Su obranan ta keda exponi y disponibel pa publico aprecia te cu dia 16 di mei durante orario di oficina di Unoca.
Henter comunidad ta keda coordialmente invita pa asisti na e expocision y bin admira y aprecia dibuhonan di calidad halto y apoya un artista local.
Pa cualkier informacion, tayer y les, of si ta interes pa adkiri of laga diseña un obra por tuma contacto cu e artista Rudyomar Leysner na 568 9058 of via mail: jackofito@gmail.com.
Rudyomar ta gradici UNOCA y Departamento di Cultura pa realisacion di e exposicion aki.

Oranjestad-Directiva di SIMAR a tuma nota di un articulo publica dia 28 di april 2014 den diferente medio di comuncacion, dirigi na directiva di SIMAR cu titulo “Sinta na mesa ta dialoga”. Directiva ta lamenta e contenido di e articulo ya cu na ningun momento tabata intencion pa demostra malcontento of expresa cu ta existi un sentimento di desconfiansa cu Minister Hooyboer y su team, manera ta cita den e articulo.

Al contrario: directiva di SIMAR y e team di Minister Hooyboer tin bon comunicacion y un bon relacion di trabou. Enberdad directiva di SIMAR ta reuni mensualmente cu e team di Minister Hooyboer riba un base structural pa atende cu posicion huridico di miembronan y puntonan di preocupacion pa cu enseñansa en general. Trabounan cu pa hopi aña ningun minister di enseñansa a atende na e forma cu ta tumando lugar actualmente conhuntamente cu directiva di SIMAR.

E motibo principal pa cual lo a participa na e manifestacion di dia 1 di mei tabata netamente pa duna balor y honor na e celebracion di Dia di obrero. SIMAR como sindicato, banda di tin e deber di vigila enseñansa y su desaroyo, tin tambe e obligacion di para pa derecho y bienestar di e clase trahado y Aruba en general. Pues na ningun momento tabata tin e intencion di manifesta of vocifera un mal contento den direccion di Minister Michelle Hooyboer-Winklaar.

Directiva di SIMAR sigur ta di acuerdo cu ta na mesa ta unda ta dialoga, manera ta tumando lugar y ta spera cu esaki lo continua den e mesun esfera positivo.

Oranjestad-Director di Departamento di Cultura, despues di a finaliza e rondanan consultativo cu tur e stakeholders cu Cultura, a comenta cu nan ta bezig ta analizando tur e puntonan cu a bin dilanti y asina incorpora esakinan den e maneho integral di cultura cu lo wordo presenta na e Cumbre di Cultura cu lo tuma lugar durante e promer siman di juni.

El a indica cu na Departamento di Cultura nan ta analizando tur e input ricibi di e stakeholders y ta bay presentanan como direccion den e maneho integral di cultura cu lo ta pa 2014 te cu 2017.
Director di Departamento di Cultura comentando riba algun di e resultadonan cu a bin dilanti for di e rondanan, a indica cu stakeholders cu a atende e rondanan consultativo ta kere tambe cu e parti di herencia cultural, e parti di arte y educacion di arte na scol mester haya hopi atencion di Gobierno. E ta bisa cu ta hopi importante pa involucra muchanan for di chikito cu e parti di herencia cultural, historia di Aruba y tambe e parti di nos herencia tangibel (edificionan y monumentonan) y intangibel (idioma, folklore, norma y balornan).
Lo cual cu a bin dilanti ta cu mester investiga mas y documenta mihor pa esakinan por wordo procesa den material cu por bin bek na scolnan. “Nos sa cu curriculum di Departamento di Enseñansa ta bezig cu diferente programa, desaroyando material pa scolnan cu ta pone e contexto Arubiano mas den luz. Esey ta bon, pero mester di mas atencion y esey ta lo cual cu gremio cultural ta bisando”, Siegfried Dumfries ta duna di conoce.
E ta agrega cu a trata di 13 rondanan sumamente intensivo, pero cu a yega na un input cu ta di gran balor pa Pais Aruba. Un di e puntonan di interes cu a bin dilanti segun Director ta cu Departamento di Cultura hunto cu Departamento di Enseñansa mester pone mas atencion pa por dune un forma pa e material por wordo investiga, documenta y traha y asina trece na scolnan.
Un otro aspecto cu a haya hopi atencion durante e rondanan ta e parti di idioma. Sr. Dumfries ta indica cu cientificamente a wordo comproba cu ora cu un mucha/hoben domina su idioma materno mihor, ta bira un poco mas facil pa adapta su mes pa siña un otro idioma.
Sr. Dumfries duna di conoce cu pa Departamento di Cultura como deparamento di maneho, investigacion y documentacion e informacion cu a bin dilanti durante e rondanan ta hopi importante y cu lo bay traha conhuntamente cu Departamento di Enseñansa riba e puntonan aki pa yega na un plan di accion. Nan lo usa e informacion aki y traha algo cu tin un balor agrega pa nos cultura, pa nos herencia cultural, pa nos hobennan y pa nos educacion. Es decir, e parti di maneho ta bay haya mas atencion, mescos cu e parti di investigacion y documentacion yegando na un maneho dinamico.

Microsoft Word – Comunicado di Prensa April 28, 2014

Marcelino Quand

Oranjestad-Pa medio di e carta aki, directiva di San Nicolas Business Association kier a anuncia lo siguiente:

Di acuerdo cu decisión tuma durante un reunion extra-ordinario cu a tuma lugar dia 29 di Maart entre señores Roland Peterson y Andres Hernandez, a keda dicidi cu Sr. Andres Hernandez lo asumi e puesto di Acting President pa cu nos associasion di San Nicolas Business Association.
Esaki den cuadro cu pa motibo di viaje di e actual presidente, Sr. Marcelino Quant, pa desplega su labornan como profesional, no ta keda posibel pa adecuadamente representa e prestigioso organizacion na defensa di interes di comerciantenan di San Nicolas.

E decision aki ta keda vigente te ora cu institui un directiva nobo.

Nos, di San Nicolas Business, lo aprecia altamante boso cooperacion na Sr. Andres Hernandez pa asina e por eherce e funcion aki lo mejor posibel.
Sr. Hernandez no ta un desconoci pa San Nicolas, ya cu como accountant y consehero financiero e ta un miembro activo di directiva pa hopi anja.

Y ta un comerciante ejemplar y exitoso pa cu e area di San Nicolas, y tin e conocimento, experiencia y determinacion pa hiba nos organizacion p’adilanti.

E industria y comercio di San Nicolas no ta pasando den su mihor tempo. Sin embargo, semper e población y e comerciantenan di e parti aki di Aruba a keda positivo cu speranza cu un dia, caja principal, conoci como “MAINSTREET” lo bolbe florece manera antes y hasta mihor. Cu e maneho di crea un zona especial cu incentivonan fiscal pa establece negoshi na San Nicolas, nos ta kere cu ta justo pa henter Aruba buta énfasis pa trata na fortalece y mehora e comercio di San Nicolas. Tanto e cultura como e valor histórico di e cuidad di San Nicolas, sin menciona cu pa hopi anja, e industria di San Nicolas a desplega un papel imporante den e desarrollo di país Aruba, ta razonnan suficiente pa duna apoyo na e plannan pa cu San Nicolas.

Cu un saludo cordial, nos ta termina gradiciendo boso tur pa e cooperación. Atentamente,

Marcelino Quant Presidente

Oranjestad-Instituto Pedagogico Arubano (IPA) ta haci un cordial invitacion na henter pueblo di Aruba y mey en special na tur maestro y profesional den e area di educacion pa asisti na e presentacion y exposicion di Pasantia Internacional di e studiantenan di IPA di aña tres.

E studiantenan aki, den varios grupo, a bishita diferente pais entre otro Argentina, Costa Rica, Hulanda y Estados Unidos (New York). E meta principal di e pasantia ta pa e studiantenan conoce cultura y sistema di enseñansa diverso, desaroyo profesional y personal y pa trece innovacion specificamente riba tereno di Desaroyo Sostenibel den ensenañsa na Aruba. Durante nan investigacion a enfoca specificamente riba e asina yama cuater P’s di sostenibilidad segun Nacionnan Uni cual ta “Planet, People, Profit y Participatory Governance.” E presentacion y exposicion di e studiantenan lo tuma luga diabierna dia 2 di mei 2014 na IPA, San Nicolas. E actividad lo cuminsa pa 6or di atardi.

Un y tur ta keda cordialmente invita pa asisti na e anochi interesante aki, haya informacion y tende di e experencia di nos futuro maestronan.

Sindicato di Maestro di Aruba a ser invita pa FTA pa tuma parti na e manifestacion di dia 1 di mei proximo. Directiva di SIMAR na su turno a wak esaki cu positivismo y cu entusiasmo y concientemente kier a participa pa duna balor y honor na e celebracion di Dia di obrero. Esaki pa recorda logronan di obrero y sindicalistanan cu den pasado a para pa derechonan cu te cu awe nos ta beneficia di nan.
Directiva a tuma nota durante e ultimo dianan di diferente desaroyo menos positivo rond di e manifestacion. Entre otro comentarionan riba facebook, via mail, yamadanan anonimo y reaccionnan riba articulonan den medionan electronico ta demostra cu e esencia di e manifestacion a cambia por completo. Lamentablemente e ta hayando un caracter politico y ta indica di lo bira un marcha di protesta.
SIMAR na ningun momento kier a participa pa motibonan negativo, ni pa sostene ningun partido politico. Directiva, despues di a tuma nota di e desaroyonan ya menciona y despues di a discuti esakinan durante reunion di directiva dialuna ultimo, a dicidi cu SIMAR lo no participa mas na e manifestacion di dia 1 di mei.
Ta haci un apelacion na miembronan pa tuma nota di e cambio aki.

Pastoor StanislaOranjestad – 

Diadumingo mainta 8.00 A.M. riba diadumingo 27 di April 2014 den un misa San Fransisco completamente jen nos por a mira bautismo di Catoliconan nobo. Baby y Jovennan a yega misa compana pa nan mayornan pa nan hasi acto di presencia y ricibi e bautismo for di Pastoor Stanislaw di parokia di Oranjestad.

Den un misa completamente jen e acto aki a tuma lugar. Ta di aprecia con misa catalico ta wordo bishita den un forma unico pa parokianonan devoto den nan fe Catolico.

Pastoor Stanislaw a trece dilanti e concepto di bautismo y su seriedad den presencia di Cristo y nos creador Yawe Dios.

Awe durante transcurso di e misa Pastoor Stanislaw a mustra e efectividad di e mandamentonan di dios y e fe cristian cu mester tey na tur momento di bo bida.

E la mustra tambe e balor pa bishita misa un vez pa siman pa tin un comunicacion directo cu Dios.

Riba e foto nos ta mira Pastoor Stanislaw di parokia di playa durante su discurso na esnan presente.

—————————————————-

Oranjestad-Dia 28 april e organisacion di ILO (International Labor Organization) ta considera e fecha aki como e dia di “Safety & Health at Work”. Y e anja aki mi lo kier a pone extra antencion pa cu e fecha aki, como cu Aruba falta hopi ainda pa hasi pa loke ta trata e asunto aki. Tene na cuenta cu 1 di mei (dia di labor), ta bai man den man cu e fecha aki. Dus no solamente seguridad di un trabou, pero tambe seguridad na pia di trabou.

Desde 2004 e departamento di DTI a saca un rapport unda ta mustra bon cla cu nos leynan di “Safety” ta hopi anticua, y no ta pas mas pe temponan aki, esta e “Veiligheidsverordering y –besluiten”, cu mester bin un revicion pronto of te hasta cambianan. Internatiolmente Aruba ta kedando atras pa loke ta trata e leynan aki. Ta loke cu ILO 155 tambe ta mustra. Pero despues di 1 decada si no ta mas, nada concreto ainda. Y esaki sigur ta di lamenta.

SVb na 2007 a cuminsa traha riba un asina yama “voorstel arbeidsomstandigheden wetgeving”, cu na 2010 ainda tawata un concepto y version 4. Berdad cu no por copy/paste e leinan di Hulanda of Merca sin mas, pero di 2004 pa 2014 mester por a bin cu algo pa ehucuta.

Den tur e rapportnan aki tin segurencianan valioso pa considera. Na banda di e rapportnan aki, tawatin tambe differente conferencia riba e tema aki, caminda mas sugerencia y sigur promesanan a bin dilanti, pero ta te eynan ela keda tambe.

Na 2011 parlamentario D. Rasmijn, despues di a mira un stellagi den mal estado y personanan laborando “unsafe” ariba esaki na e edificio di parlamento mes, a bin cu un bon iniciativa. Esta di a lanta un commicion “werkveiligheid” pa pone atencion riba e asunto aki. Lamentabelmente e commicion tawata pa 6 luna so, y den e corto tempo aki no a logra caba e trabou. Di esaki un punto valioso si a bin sali afor, esta cu un minister a hasi e promesa di bai duna atencion na e tema aki. Esaki tawata un segurencia den un di e rapportnan, cu ta pa e Ministerio di Labor coordina esaki. Gobierno a cambia y un minister nobo a tuma e cartera over. Mi ta spera cu ta dunando atencion na esaki, y cu e no lo wordo hinca den lachi pa otro 10 anja mas. E problematica di zonido duro, asbest y hopi otro cosnan mas ta cuminsa aki, unda cu e nos leynan ta anticua, y no mas adecua pe tempo aki.

“Safety & Health at Work” ta di sumo importancia pa tur cu ta labora. Y mester tene esaki bon na cuenta, sigur ora dia tras di dia accidentenan ta pasando na pia di trabou, cu simpelmente por a wordo evita si tin bon leynan di “safety”.

Un dicho bon conoci ta: “SAFETY FIRST”, but how first is the safety in Aruba?