Johnnyhabibe-Anchorman

Faya Bo haya 6

Durante fin di siman a tuma lugar e evento cu pa basta dia hopi tawata papia di dje cu ta “Faya Bo Haya 6”.

Tur cos a cuminsa Diabierna anochi na Urataka Center cu e Car / Bike & Demolition Derby Show caminda un publico grandi a sa di bin presencia e auto nan aki di serca pa ultimo biaha den nan forma original ya cu Diasabra masha poco por a sigui core despues di e evento.
Riba e anochi aki a tuma lugar inscripcion pa locual ta trata e categorianan cu a competi Diasabra riba pista di Palo Marga y durante inscripcion a kibra record di participante un biaha mas pa locual ta e evento di Faya Bo Haya.
Genie Level Dj’s a sa di buta un ambiente total y Mc Monti di Korsou a entretene grandi y chikito presente na Urataka Center.
Diasabra porta a habri exactamente 2:30 y pa 4:15 e prome round di qualifying a start sali, esaki ta Danki na tur e official nan di The Boss Racing Foundation cu tawata presente na ora cu por a ranca sali na ora manera priminti.
Elimination Round nan mes a cuminsa pa 7or dia anochi cu un multitud grandi di publico presente pa presencia careda nan mientras cu e fanaticada di Demolition Derby tawata drenta Palo Marga poco poco y pa 10:30 cu un Palo marga completamente yen e show di Demolition Derby a start sali den e pista completamente nobo diseña pa e maestro Angelo Wernet.
Hopi auto tawata tin dolor di cabes riba e pista caminda cu sla tawata cay di tur banda na e auto nan cu no por a scapa di niun manera.
E dos ultimo auto nan cu a keda move riba pista tawata Luigi Marrugg cu su Lancer y Hamlet Arraque cu su Ford tamaño di Barco cu a laga Luigi core manera Tom & Jerry y na final Hamlet pa di tres aña consecutivo ta bai cu e titulo di Campeon.
Pa locual ta e careda nan mes e team di Brazilian Flash a bin desisivo e biaha aki ya cu niun di e 5 aña nan anterior tawata tin un auto di drag cu a bai cu e titulo di campeon den un categoria di Faya Bo Haya.
Jonathan Tromp cu ta cuarto bate di Brazilian Flash a bin todo por todo Diasabra y no a perde NIUN careda despues di a bai un total di 15 round y ta keda como e campeon den FBH Street y FBH King.
Y pa como premio extra pa esunan cu a paga nan bonus e campeon y sub-campeon di cada categoria a competi pa un otro 1000 florin extra y aki Jonathan Tromp ta pasa pa final pa enfrenta Eduard Croes di Race Junkies y aki Jonathan ta bolbe gana su careda y bai cas cu e premio extra di FBH Bonus.
E resultado nan di anochi ta:
FBH Scooter: 1st Derryl Wester 2nd Wendel De Leeuw 3rd Rick Koolman.
FBH King: 1st Jonathan Tromp 2nd Tito Tromp 3rd Leomar Croes.
FBH Bike: 1st Richard Croes 2nd Ben Jones 3rd Junior Fingal.
FBH Street: 1st Jonathan Tromp 2nd Nielson Halley 3rd Courthey Wouters. FBH Bonus: 1st Jonathan Tromp. Demolition Derby Extreme: 1st Hamlet Araque 2nd Luigi Marrug.
Evento di Faya bo Haya 6 no por tawata posibel sin publico y participante grandi cu a sa di kere un biaha mas den FBH y cu a asisiti na e evento aki y sin laga afor e sponsor nan cu a pone nan confiansa den e evento aki cu a wordo promovi pa mas di 3 luna largo un Danki grandi ta bai na: Shell Helix Motor Oils, Ibis Bearings, Urataka Center, Da silva racing (Mouse), Safecom security, Ruiz take away, Don’t panic transport, Croeze fast transport, Mario’s septic services, Balala transport, A.I.S. , Echi towing, Solo di pueblo, Canal 22, Top Fm, Rex aruba, Zoom aruba, Exotic boost aruba/Korsou, Rpm aruba, Lucho towing, Racejunkies, Papo racing, Kings car care, 13 den deporte, Lencho burnout show, De cuba electrical, Aruba laundry, Jay’s tire, Arulaser, www.ki-tin.com, Valero sta cruz, Den 5 speed, Radical competition, Jerrino Bass, Chando Colina, Ralph Maduro, Ivo 4 Life, Dj Vibes, Angelo Wernet, Urig Feliciano, Mc Monti, RibaGanga.comDanki di Curason na un y tur cu a hasi esaki posibel cu mi por sigui ta den competencia y pronto cu mi bike nobo cu ta den proceso na Merca.