MEP NA JEFFREY KELLY: EN BES DI BIBA BIDA DI BESARIL, TRAHA PA DRECHA ENSENJANSA DI ARUBA.Ta pesey pueblo ta pagabo!

Posted: April 8, 2014 in Johnny Habibe

 

jeffrey kelly

jeffrey kelly

Oranjestad-Tin hende cu na momento cu nan haya puesto, nan cabes ta susha completamente. Un di nan lamentablemente ta Jeffrey Kelly, un politico cu tabata mustra masha prometedor, pero cu a subi e riba lista di AVP y a saca apenas 97 voto. Tin 10 hende mas riba e lista di AVP cu a haya mas voto cune, pero mester sinta un banda warda, pasobra Kelly cu su 97 votos a logra drenta parlamento.

Un di nan sigur ta Alan Howell, cu a saca 422 votos, 4 biaha mas hopi cu kelly, y mas cu practicamente TUR otro parlamentario den partido AVP. Pero pa motibo cu lider di AVP Mike Eman no tabata tin tanto confiansa den dje, a hal’e na e penultimo lugar, y asina Howell awor mester sinta un banda manera coordinador di minister, en bes di representa su 422 votos. E mester sinta mira con otronan cu hopi menos voto cun’e, ta hasiendo un trabou poder y bergonsoso den parlamento.

Prome cu ela drenta den politica, Kelly tabata un docente, y a demostra interes pa ensenjansa. Sinembargo, desde cu el’a drenta den politica, ela lubida tur esey. E ta asisti na tur recepcion, e ta fiesta na grandi, y a lubida pakiko e ta den parlamento. Lubida totalmente tocante tur e problemanan den ensenjansa. Apenas bo ta tende su bos, y si bo tende mes, ta pa sconde e faltanan grave di su gobierno riba tereno di ensejansa.

Acaso Jeffrey Kelly no ta corda con den mal estado su scol tabata pasobra ministernan di ensenjansa di ultimo 10 anjanan a neglisha estado di mantencion di scolnan? Y unda e scol ey ta awor? Dicon Jeffrey Kelly no ta cuestiona esey?

Acaso Jeffrey Kelly a lubida den ki circumstancianan dificil docentenan mester traha na Aruba? berdad awo cu e ta sinta den airco henter dia cu bachi bisti, el’a lubida esaki asina liher? Dicon e no ta sali na defensa di docentenan?

Acaso Jeffrey Kelly a lubida cu muchanan no tin materialnan adecua pa por haya les? Dicon e no ta cuestiona e despilfaro di placa di su gobierno na fiesta y luho, pero ta neglisha di cumpra bukinan nobo pa muchanan di scol?

E contesta ta pasobra Jeffrey kelly ta mucho ocupa ta biba bida di Besaril. Pesey e no tin tempo pa duna atencion na ensenjansa. Pasobra Jeffrey Kelly a bira marioneta di Mike Eman pa lastra hende den lodo, esey AVP ta bon den dje. Mas lodo nan tira, menos hende ta papia di nan propio escandalonan. Cu por cierto, Jeffrey Kelly no mester lubida cu e mes tin un kashi yen di escandalo cu MEP por saca ki ora cu e kier. Pero MEP no ta hasi’e, pasobra MEP ta consisti di hende drechi. No manera AVP.

Pesey, un conseho na Jeffrey Kelly, en bes di cuestiona Besaril, bai traha pa pueblo. Pueblo ta pagabo pa bo mehora e calidad di ensenjansa, y tin hopi trabou pa hasi eynan.

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s