ARUBA TOURISM AUTHORITY HUNTO CU AHATA TA ORGANISA E CONFERENCIA ‘ARUBA MEETS EUROPE 2014’

Posted: April 9, 2014 in Johnny Habibe

 

Aruba Meets Europe

Aruba Meets Europe

ORANJESTAD – E siman aki ta tumando luga e evento bi-annual Aruba Meets Europe (AME) cu ta un conferencia interactivo entre tour operators, representantenan di aerolineanan, hoteleronan representando Aruba den e mercado y representantenan den e sector di turismo di Aruba cu ta dedica na promociona e isla como un destinacion di vakantie na Europa. E evento aki ta wordo organisa door di ATA y AHATA  cada pasa un aña na unda mas cu 40 diferente persona di diferente pais ta participa. 

E conferencia ta tumando luga for di dia 8 di april te cu dia 11 di april. Un programa amplio y interesante a wordo compila pa e participantenan, na unda a planea diferente reunion pa fortalece e lazonan professional. E conferencia lo tene un Vitrina Turistico na unda e bishitantenan lo conoce y papia cu ehecutivonan local di hospitalidad pa asina haci negoshi y asina crea relacionnan duradero. Durante nan estadia nan ta bishita varios hotelnan. Ademas nan lo conoce varios otro partinan interesante di nos isla por medio di un ‘Scavenger Hunt.

E obhetivo principal di AME ta pa percura e industria cu e ultimo updatenan riba Aruba su productonan y desaroyo, como tambe duna oportunidad na esnan cu ta participa pa prome biaha, pa dunannan un introduccion na nos destinacion na un manera interactivo. 

Manera menciona anteriormente, AME 2014 ta wordo organisa door di Aruba Tourism Authority (ATA) hunto cu ATA Europa, den colaboracion cu AHATA y partnernan local. ATA ta wordo representa na Hulanda, Alemania, Italia, Inglatera, Scandinavia y Italia unda un audiencia di mas o menos 274.5 miyon turistanan Europeo ta biaha.

Paisnan cu ta participa e aña aki ta Hulanda, Belgica, Alemania, Italia, Finlandia, Dinamarca, Irlanda, Inglatera, Zweden, Austria y España.

Riba e potret por mira e director di ATA Europa, Sr. Tirso Tromp, cu e representantenan di ATA na Europa.

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s