Copa Hubenil
Oranjestad— Aruba ta conoci pa un gran cantidad di trabou boluntario dedica specialmente na formacion di hobennan. Lidernan ta traha incansablemente pa yuda e muchanan desaroyo un of mas talento sea riba tereno di deporte, cultura, tereno social educativo etc.
Anualmente ta reconoce e talento di un hoben of un grupo di hoben cu destaca bou guia di su lidernan. E edad di e hoben(nan) por ta varia entre 6 pa 18 aña.
Cu destaca nos no ta referi solamente na logronan manera premio etc, pero tambe trabou boluntario den comunidad durante henter aña.
Asina por menciona e ganadonan di 2013 cu tabata e hobennan di Arubaanse Padvindsters Gilde pa nan dedicacion na nan propio formacion y tambe trabou den comunidad asistiendo entre otro hende grandi etc.
Te cu diabierna 11 di april por entrega nominadonan pa e premio dedica na e prome Gobernador di Aruba, esta Felipe B. Tromp den feliz memoria.
Por entrega e nominacionnan cerca señora Nilda Koolman na L.G. Smith Boulevard 26 of yama pa mas informacion na telefon 582-5774.
Ban reconoce nos talentonan hubenil y entrega nominacion pa asina nan por bin na remarca pa gana e Copa Hubenil Gobernador Felipe B. Tromp 2014.
Johnnyhabibe-Anchorman 