Ministro Dowers
ORANJESTAD: Recientemente minister di husticia Arthur Dowers a ricibi bishita di mr. Jan Watse Fokkens, kende ta procurador general di Hoge Raad na Hulanda. E la wordo acompaña pa presidente di corte comun di caribe hulandes mr. Van der Poel . E bishita aki tabata den cuadro di e codigo penal cu recientemente wordo introduci. E mandatario a intercambia di idea cu e procurador general riba e tema aki, y mescos cu riba e castigo cu ta wordo duna. Tambe a papia riba e desaroyonan cu tin den comunidad Arubano y esun Hulandes.
E titular di husticia a elabora cu mr. Fokkens riba e echo cu nos comunidad ta pidi pa aumento di castigo, caminda bo ta mira un tendencia den e veredicto di corte europeo di derecho humano, caminda ta bai den e direccion pa duna menos castigo.
Tin un sentimento den e comunidad na Aruba y na Hulanda cu e castigonan duna no ta suficiente, y si bo mira cu p.e. antes castigo di bida largo tabata bida largo di berdad y awor aki bou di influencia di corte di derecho humano, bida largo a wordo reduci na mas o menos 20 aña, y na momento cu bo sinta e 20 aña di bo castigo, bo por pidi corte pa reconsidera e castigo aki. Pa e ultimo aki tampoco no tin aprecio den comunidad.
Johnnyhabibe-Anchorman 