E di 13 Expo y Competencia di Obra y Arte recicla a habri en grande

Posted: April 14, 2014 in Johnny Habibe
Obra Y Arte

Obra Y Arte

ORANJESTAD – Dialuna 14 di april, 2014 a tuma luga e apertura oficial pa AHATA Comision di Medio Ambiente su di 13 Expo y Competencia di Obra y Arte recicla na Cas di Cultura.
E apertura a cuminsa ora di entona nos himno “Aruba Dushi Tera”.
Seguidamente Ex Minister di Turismo di Parlamento Hubenil, Juan Pablo Aguirre Brocca a habri e exposicion oficialmente.

AHATA su Comision di Medio Ambiente ta sumamente contento cu e acogida pa cu e 13 competencia y exposicion di Obra y Arte recicla e aña aki. Durante e evento grandi y chikito ta demostra cu reciclahe ta posibel. Tambe cu obranan grandi por wordo realisa. Por ultimo a wordo desmostra cu tin hopi articulo cu nos por re-uza y nan lo bira hermentnan di gran utilidad pa nos bida cotidiano. Durante e exposicion comunidad di Aruba por disfruta di un gran variedad di obranan, hopi creativo, bunita y sigur util.

E exposicion lo keda habri na Cas di Cultura for di dialuna 15 di april te cu 25 di april, 2014. E orarionan pa aprecia e obranan ta: 10:00am pa 12:00pm y 2:00 pm pa 6:00 pm. E exposición lo ta cera riba April 18, 19, 20, 21. Entrega di premio y clausura lo tuma luga dia 25 di april, 2014 pa 2:00 pm.

Comision di Medio Ambiente ta gradici tur participante pa nan entusiasmo y creatividad, danki pa e apoyo di tur compañía cu a juda nos di un of otro manera, na miembronan di nos comisión di medio ambiente, hopi en special na Hyatt Regency Aruba y señora Raquel Bautista pa nan dedicaccion na e workshops ofreci na schoolnan participante, na seňorita Marisol Vrolijk y señor Dalbert Pujols kende nan ta studiante nan di Universidad di Aruba y EPI Sector Economy cu ta stage actualmente na AHATA. Danki na Jochem Pennekamp, Guislaine Nicolaas, Nurianne Helder, Giancarla Lobbrecht studiantenan di Universidad di Aruba, nan sigur tabata un apoyo grandi na e apertura y expo aki. Masha danki na Tracey van der Biezen – Green Inc.pa yuda nos cu bunita trabow di MC.

AHATA su comision di Medio Ambiente kier invita comunidad completo pa pasa na Cas di Cultura pa aprecia e bunita obranan cu a wordo crea pa grandi y chikito, e anja aki nos ta conta cu un total di 266 obra di arte recicla traha door di 19 school, 10 individual amateur, 4 individual profesional y 11 grupo. Corda, entrada ta completamente gratis!

Bini un, bini tur.

Sea creativo y consciente pa cuida nos medio ambiente!

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s