Johnnyhabibe-Anchorman

Shamiro Anita

Oranjestad-Willemstad – E hóben kantante Shamiro Anita a duna un tremendo presentashon durante un eksitoso Konsierto i Media Tour na Aruba, promeviendo su album nobo “Solo Un Abraso”. E konsierto titula “Ban Alaba Señor” tabata un eksito total kaminda Cas di Cultura na Aruba tabata bastante yen.

Hopi tabata e komentarionan sumamente positivo di kon e konsierto a impresioná i yena tur esnan presente ku speransa, alegria i bendishon. Huntu ku Shamiro tabatin presentashon di artista i bandanan di Aruba, manera entre otro Rocco Flava, United Melodies, G.I.G i Youth Heart Ministry.

Una bes na Aruba, Shamiro Anita a logra hasi un eksitoso Media Tour. Shamiro a haña hopi apresio na tur e radionan i televishonnan di Aruba. Algun dje kantikanan mas gusta dje album aki na Aruba ta “Sólo Un Abrazo”, “Señor Eres Grande”, “Volare”, “Gracia” i e Bachata titula “No Soy Igual Que Ayer”.

Shamiro a traha e álbum nobo aki speshal pa e merkado internashonal ku un total di 11 kantika kompletamente na Spaño i 2 ‘bonus track’, esta 1 kantika na papiamentu i 1 na Ingles. Awor ta resultá ku e albun nobo aki di Shamiro ta hopi gustá i ya ta bendishonando nos mes hendenan, tambe, na Korsou i Aruba.

Shamiro mes ta gradisí Dios na promé lugá ku mas i mas hende ta sigui skucha su musika. Su meta ta pa yuda i impaktá tur hende ku skucha su musika ku mensahenan positivo i prinsipalmente ku e palabra di Dios. E ta gradisí tur hende ku a bai e konsierto, tur ku a kumpra su CD i tambe e Radio, Televishon i Prensa pa nan koperashon i sosten.

E Cd nobo aki ta obtenibel na Korsou na Mensings, Kas Di Beibel i Tiktak. Na Aruba e ta obtenibel na Frends of God i/of via Tel: 00297-5627409 of 00297 – 5929799. Online tambe por kumpra un of mas di Shamiro su kantika na Amazon – iTunes – Cd Baby – FaceBook i Music Store.

Riba e kombinashon di potretnan por mira Shamiro durante e konsierto na Aruba, Huntu ku un di e banda di Aruba i durante su bishita na Radionan i Televishonnan di Aruba.