Porfin Gobierno ta accepta cu nos situacion financiero ta malo Lastimamente cu ehecucion teribel di decisionan cuestionabel

Posted: June 1, 2014 in Johnny Habibe

Shai Lee

Te awe ainda hopi ta comenta encuanto e retironan cu a tuma lugar na un manera inhumano di e grupo grandi di contractantnan cu ta traha pa Gobierno. Un decision tuma pa conseho di Minister (tur minister incluyendo nos Prome Minister) pero cu no a percura pa ehecucion profesional caminda ta tene cuenta cu derechonan di esnan envolvi. Tambe sigur a deha di percura pa por garantisa continuidad di trabounan necesario y di suma importancia pa e caha di pais Aruba y e servicio cu mester ser duna na nos pueblo.

Cerca mi ta surgi e pregunta cu si enberdad e decisionnan tuma ta esnan mas prudente. Ta cuminsa cu reduccion den cantidad di trahador cu gobierno tin den servicio pero na mes momento ta sigui cu proyectonan cu no ta necesario y sigur no lo trece alivio na e situacion di crisis cu nos pais ta aden. Mas dolor ainda ta cu ta corta tambe den proyectonan of gastonan cu ta garantisa cuido di calidad pa nos grandinan y muchanan special y tambe den formacion y educacion di nos muchanan.

Recientemente na un entiero mi a wordo acerca pa un cuidadano preocupa. E tawata di bishita na un di e casnan di anciano y por a scucha e trahadornan menciona na otro cu no tin e likido necesario mas pa haci heridanan di nos grandinan limpi y cu mester usa awa.
Tambe nos por a scucha un director di un cas di anciano cu Gobierno ta cortando alrededor di awg. 21.000,- pa luna riba nan budget, cual ta haci casi imposibel pa nan por ofrece cuido di calidad na nos grandinan.

E mesun grandinan cu a traha asina duro na progreso di nos pais y awor mester gosa di un bon y dushi bida. Ironia di bida ta cu e mesun Prome Minister cu ta laga tur e cosnan aki tuma lugar, te mesun minister cu ta pasa rond den e casnan di anciano parti sunchi y basket di fruta y buscuchi pa e grandinan. Ta ken nan ta tuma haci?

Durante e dianan nos dilanti mi lo sigui elabora mas ariba diferente decisionan cuestionabel cu Gobierno a tuma y ta implementa of lo bay implementa. Y con pueblo ta sigui ser engaña y manipula.

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s