ORANJESTAD: Diaranzon mainta Minister di Husticia, mr. Arthur Dowers a ricibi bishita di Conseho di Supervision di Fundacion pa Maneho di Adiccion Aruba (FMAA) representa pa Marjorie Vermeer, Antoine Lobato, Livio Hermans y Willem van der Zee. Director di e fundacion Jerehm Campbel hunto cu assistente di gerencia Yvonne Tjon Ajong tambe tabata presente.
Minister a jama bon bini na e miembronan nobo y a intercambia idea pa realisacion mas efectivo di e metanan di e fundacion. Manera ta conoci, e structura actual pa maneho di adiccion na Aruba tabata un iniciativa di ex-minister di Salubirdad. Minister Dowers,
actualmente como minister encarga cu e fundacion aki, a confirma su apoyo na e fundacion y cu hopi enthusiasmo a tuma nota di ideanan nobo pa crea mas conciensia den comunidad pa e malesa di adiccion aki.
Segun miembronan di e Conseho di Supervision, e tarea y metanan di e fundacion por wordo realisa na un forma mas efectivo si comunidad y empresanan priva haña sa y compronde tur e trabao y esfuerso cu ta wordo hasi y asina lo por duna un aporte mas grandi pa por adresa e reto aki na un miho manera. Pronto e fundacion lo presenta Minister di Husticia un plan pa hasi esaki realidad.
di Aruba ta compremeti pa apoya esnan cu kier trece un cambio den nan bida, pero esaki ta rekeri tambe un participacion activo di cada famia y comunidad en general.
Johnnyhabibe-Anchorman 