Oranjestad-Reunionnan den Parlamento ta continua pa trata e presupuesto, pero ta parse mas bien e mesun yoradera riba e 8 anjanan di gobierno di MEP. Nada di e crisis financiero cu nos ta aden aworaki, solamente kiko MEP a hasi of laga di hasi mas di 5 anja pasa.
Pero den tur esaki Clariska Velasquez a perde cabes. Velasquez tabata tira palabra pa parlamentarionan di MEP, sin base alguno. Principalmente Velasquez ta gusta tira palabra pa Besaril. Eynan lider di MEP Evelyn Wever-Croes a par’e y eynan Clariska Velasquez a perde cabes, y a bula lanta pa dal e lider di MEP. Ta e lider di fraccion di AVP Baba Herde a core tene e loco ey, y asina Velasquez a cai sinta bek.
Por a nota claramente cu Clariska Velasquez ultimo tempo tin hopi problema, tanto den su partido, como pafo di partido. E tin un rabia feros riba su colega di partido Mervin Wyatt-Ras cu a pasa su dilanti den su bario di Savaneta, y pa colmo e lider di partido AVP Mike Eman a duna Mervin privilegio, pa campanja cun’e. Tambe Clariska tin un frustracion pasobra Alan Howell tambe a pasa su dilanti y come den su hendenan.
Pero e odio cu Clariska tin riba lider di MEP un biaha mas a keda bisto den reunion, na momento cu Clariska a perde cabes y bula pa bai dal Evelyn Wever-Croes.
Un incidente bergonso den Parlamento, definitivamente. Awor Mike Eman mester bin dilanti y bisa si e ta sostene y aproba e actuacion bochornoso aki. Palabra ta na AVP!
Johnnyhabibe-Anchorman 