Johnnyhabibe-Anchorman

Oranjestad-Prome ta e quick scan di CFT, y awor Fitch tambe ta trese claridad riba  henter e gobernacion desastroso di Gobierno di AVP. Den e rapport, Fitch ta menciona cu e deterioro di e “creditworthiness” di pais Aruba a cuminsa ora cu Valero a sera su portanan. Ainda ta fresco den nos memoria e wega politico sushi cu Partido AVP y Valero a hunga cu e pueblo di Aruba. CEO di un multinacional ta manda carta politico rond pa su empleadonan y den  ta publica esaki den corantnan, poniendo presion innecesario y inhusto riba nos comunidad. Hungando cu pan di famia djis pa provecho politico y  pa keda sin paga na “fair share”.

 Na final, Partido AVP a gana e eleccion pero e pueblo en general a perde. Cantidad di mama y tata di famia mester a bandona nan isla pa bai traha den exterior; otronan a keda sin trabou of mester a busca un trabou cu menos entrada. Y awo, casi 5 anja despues, ta solamente Valero a sali gana di e wega ey paso nan si tin ganashi ainda foi transshipment pero e refineria mes a keda sera. Esey ta pasa ora ta hunga wega politico sushi; un dia e berdad lo sali na kla y e dia a yega.

MEGA DEBE
Mescos cu Raad van Advies y CFT, Fitch tambe ta menciona e debe grandisimo ocaciona pa Gobierno di AVP cu a subi e porcentage di debe di pais aruba di 45% pa 75% di GDP. Esaki ta pone cu e percentage di interes tambe ta subi te 17 % na 2014, cu ta DOBBEL di e percentage averahe di BBB cu ta 8%. Anto tur esaki den apenas algun anja. Anto ainda falta, paso ora CFT su rapport final keda kla, ainda lo tin mas puito pa sali.

Ta preocupante cu te hasta den prensa internacional ta comenta riba e rapport di Fitch cu Aruba su posicion economico ta zwak ya cu nos ta depende di turismo solamente. Y aunke cu e Minister di Turismo ta gaba constantemente cu turismo ta bayendo superbon, cadenanan prestigioso di hotel manera The Westin  y Radisson ta sera of ta ser bendi. Tambe e rumornan cu Ritz Carlton Aruba ta bai downgrade pa un Marriott, ta pone Aruba tambe den luz negativo internacionalmente.

DANJO NA IMAGEN DI ARUBA
Asina mes cu turismo como e unico pilar economico, Gobierno di AVP, esta Mike Eman y Otmar Oduber ya tribi di hunga wega cu esaki, door di danja e imagen di Aruba internacionalmente cu noticianan negativo di welga di hamber, instigacion formal contra Hulanda y Gobernador. Nan maquinaria di propaganda miyonario tabata traha y distribui noticianan negativo na gran cantidad tanto local como internacionalmente. Tabata duna entrevistanan negativo na radio y canalnan di television internacional mientras cu a secuestra un di poco edificio historico/cultural di Aruba, Fort Zoutman, strobando asina pe turistanan haya un oportunidad pa disfruta di un anochi cultural ( a dicidi di cancel e popular Bon BIni Festival). Tambe pa mas cu 1 siman e turistanan no por a disfruta di un bishista educativo na museo historico situa na Fort Zoutman.

Parehanan cu mester a  disfruta di un dia special a haya nan ta pasa den un masa de hende rabia y hostina cu pankartanan cu textonan mahos. Esey ta e bista, e imagen cu nan a crea di Aruba den corto tempo, pa asina purba desvia atencion di e berdaro problema cu ta e desastre financierno di nos pais. E danjo cu Mike Eman y su gobierno ta hasiendo Aruba ta demasiado grandi, y ta ora pa nan realisa cu si nan no por drecha e situacion, miho nan hala un banda y laga esnan cu SI tin curason pa e pais aki, goberna nos pais.

Oranjestad-E weekend cu a pasa “Barracudas Synchro Club” tawatin e segundo turno di examen pa e grupo di “beginners”. Pues e atleta nan aki apenas a cuminsa cu synchro na septemebr 2011, y lo hasi un total di 4 examen pa anja, e asina yama “STAR”. Henter e grupo cu a participa a pasa e examen cu un resultado positivo! Pabien na e sigiente atletanan: Victoria Geurts, Nina Rep, Barabara Gomez, Valeria Munoz, Kainah Croes, Livanca Ras, Casey-Ann Hermosen, Abigail Arends, Sharon Dirksz, Denise Inesia, Mary Jane Wong.

Pa e atletnan cu ta forma parti di e preseleccion tawatin un competencia di figura. E resultado tawata lo sigiente:
12 anja y menos:
1. Abigail De Veer, 2 Erica Jaramillo., 3. Talisah Beke, 4. Seraphima Fit, 5. Rizhaylee Bello, 6.Nathania Riley, 7. Isabella Noguera, 8. Anastasia van Daal, 9. Zenzi Croes, 10. Zurienne Dabian 11. Keyla Polo
13-15 anja:
1. Kyra Hoevertsz, 2. Alexandra Mendoza, 3. Ariadne de Goeij, 4. Femke Rutgers, 6. Chelsey Mejia Torres, 7. Marjolein Rutgers, 8. Giulia Brezovar, 9. Amanda Morales
16-18 anja:
1. Nikita Pablo, 2. Nathifa Sarman, 3. Jitva Sarman, 4.Neftaly Albertsz, 5. Nathania Taylor.

E preseleccion aki ta preparano pa e sigiente competencia den exterior. Kyra Hoevertsz hunto cu Alexandra Mendoza lo bai Suissa pa participa na e Swiss Youth Open na luna di april. Nan lo competi den e evento di solo (Kyra Hoevertsz) y duet (Kyra Hoevertsz y Alexandra Mendoza).
E seleccion completo di 12 anja y menos y 13-15 lo bai Canada na luna di mei pa participa na e Nationals di Canada. Nan lo bai competi cu team, duet y solo den ambos categoria di edad.

Oranjestad-Mayoria di Arubiano ta expresa nan preocupacion pa e consecuencianan cu e conflicto entre e gobierno di Aruba cu Hulanda lo por bay tin pa e Status Aparte cu Aruba ta disfruta di dje desde 1986. Hopi ta hasi e pregunta kiko lo por ta e motibo dicon Mike Eman y Plasterk a laga e problema escala di e forma aki. En todo caso ta mi convicion despues di a milita basta aña den politica cu nada den mundo gubernamental ta sosode “zomaar” y cu lo mester tin un “adder onder het gras”. P’esey ta importante pa adresa e “leitmotiv”, e motibo mas importante cu a ocaciona cu un crisis a start entre e dos gobiernonan,cu te cu recientemente tabata “beste maatjes”!

Den medionan di comunicacion diferente scenarios ta wordo proponi y discuti, manera e situacion devastador di nos finansas publico y e incomplimiento di e gobierno di Aruba pa cu palabracion hasi den pasado cu gobierno Hulandes. Tambe ta hasi referencia na e posicion autonomo cu Aruba tin den e Reino Hulandes y cu Hulanda awor aki ta abusa di un poder cu segun nos Statuut e no tin. Obviamente ambos ponencia lo ta “voer” pa expertonan riba e tereno hurdico, pero den mi concepto no por wordo considera como “E MOTIBO” cu lo por splica un cambio asina repentino di e conducta di Hulanda pa cu Aruba. No lubida cu Hulanda a permiti su “braafste jongetje van de klas” Mike Eman hasi y deshasi cu nos finanzas publico.

Nos lo tin di bay back den historia di e relacion entre Hulanda y Aruba pa trata di compronde e actual crisis. E Islanan den Caribe pa siglos caba ta forma parti di e Reino Hulandes. Na prome instancia como colonia y despues di segunda Guerra Mundial como partner describi den e Statuut, despues di intervencion di la Reina Wilhelmina. Te aki Hulanda por a domina nos Islanan sin mayor problema, te ora cu;

30 di mei 1969 na Corsou,;

inicio di e lucha pa autonomia di Aruba door di Gilberto (Betico) Croes y

e posicion “terco” di sr. Claude Wathey na St. Maarten a cuminsa sacudi e fundeshi di loke tawata conforma e “Nederlandse Antillen”.

E evenementonan aki a tuma Hulanda por completo di sorpresa y a obliga Hulanda, contra su boluntad, pa hasi un cambio den e relacion cu e Islanan.  

Den e mesun añanan di turbulencia na e Islanan den Caribe nos ta waak con Hulanda ta trata di expande su poder na Europa, atrae pa e posibilidadnan economico cu “EEG” tawata ofrese. Te ainda ta asina cu Hulanda ta keda hunga un rol prominente den e “Europese Unie” apesar di criticanan di politiconan hulandes. E motibo ta fasil di compronde. E economia di Hulanda, como pais relativamente chikito den Europa, ta depende grandemente di e tratadonan economico palabra entre e diferente miembronan di Europa. Pero e medaya tambe tin un otro cara y esey ta cu Hulanda obviamente tambe mester cumpli cu tratadonan impone door di e paisnan poderoso den Europa manera Alemania, Francia, Italia y Inglatera. 

Un di e tratadonan ta ensera e posibel cambio di e status di LGO (landen en gebieden overzee) pa UPG (ultraperifere gebieden) di e “BES eilanden”. Na 10-10-10 e gobierno hulandes a hañé confronta cu e desicion di mester adapta e status di e BES-eilanden di LGO pa UPG. A opta pa laga e LGO sigui na vigor den e BES eilanden, pero na fin di 2015 Hulanda  mester dicidi si lo cambia e status pa UPG. Introducion di e dollar como moneda oficial ta laga expertonan huridico-estatal di compronde cu e decision a cay caba y cu e BES eilanden lo bira UPG. Pero con ta para e ora ey cu e.o. e LGO status di Aruba? Mi tin e impresion cu ta aki e sapato ta preta pa Hulanda cu lo prefera di hasi un cambio pa tur e Islanan di e ex- Antiyas Hulandes den un solo shot.

Pa Hulanda e LGO status di e islanan e.o. di Aruba por ta no tin mucho significacion, pero den mi concepto LGO ta di vital importancia pa e existencia economico y principalmente autonomo di Aruba. E importancia pa Aruba di mantene su Status di LGO tawata topico di discucionan fuerte te cu hasta un delegacion di comercial y politiconan na fabor di UPG a bishita Madeira pa experiencia e supuesto milager economico di e Isla despues di a ingresa den e filanan di UPG. Tambe partido AVP a laga un miembro hasi un estudio cu a wordo presenta na 1 di februari 2011 (een toekomst binnen Europa door di sr. Malmberg) na unda ta alaba e efectonan positivo cu UPG lo por brinda Aruba. E afan di Mike Eman y AVP pa pusha UPG na Aruba no tawata tin exito causando desapunto grandi na Hulanda. Mike Eman conoci pa ta “bende patria” y unicamante interesa den su propio interes y poder, a dicidi di cana un otro caminda pa tog faborese Hulanda. Mi a yega di pone den un articulo caba cu Hulanda a “Re-Descubri” e.o. Aruba particularmente pa nos posicion geografico cu ta di un importancia inmenso pa Hulanda su “Geo-Politica”.

Y den Mike Eman Hulanda a haya un aliado cu hamber pa poder y propio interes. No ta pornada, y siguiendo e instruccionnnan di Hulanda, Mike Eman a start “Europe meets the Americas”. Un supuesto hub economico cu lo mester a beneficia economia di Aruba, pero cu lo facilita na final di cuenta incorporacion di Aruba den e mercado comun Europeo di tal forma cu nos mester accepta UPG. E unico desbentaha “chikito” pa Mike Eman lo ta cu Aruba lo a perde su autonomia. Aki ta na unda Mike Eman a diseña henter e crisis cu Hulanda pa asina por bende na nos pueblo cu ta Hulanda a forsa nos acepta e UPG. Un otro splicacion no por tin, pasobra con por compronde e hecho cu Mike Eman a acepta tur acuerdonan, manera esun cu Piet Hein Donner, cu Hulanda na unda den dia cla ela acepta cu nos autonomia ta wordo limita. Donner a laga Mike Eman sa, cu si e kier drenta den e Reino Hulandes Nobo e mester acepta cu Hulanda lo supervisa nos FInanzas Publico y Husticia. Y Mike Eman a bai di acuerdo cu esaki.

E “leitmotiv” di Mike Eman y Hulanda ta simplemente un motibo economico na beneficio di Hulanda. E islanan mester wordo hinka atrobe “in het gareel” manera tawata prome cu e añanan setenta pa asina Hulanda por sigui expande su dominio politico y economico. Lamentablemente cu falta di madurez politico y gubernamental y particularmente falta di PATRIOTISMO ta e motibonan principal pakiko tur e problemanan aki a escala.

Den nomber di Union Patriotico Progresista – U.P.P.

Candelario – Booshi – Wever

Brazil, juli 9, 2014

ORANJESTAD – Lider di MEP Evelyn Wever-Croes den prensa abolbe enfatisa riba e manipulacionan di Mike Eman. El’a referi na un carta di Gobernador den cual Gobernador ta mustra Gobierno con nan por sali di e problemanan mas urgente pa por fia placa.

Tur hende sa cu nos pais ta na borde di bancarota causa pa e mal maneho di Mike Eman. No tin placa mas den nos pais, y Gobierno tin problema pa paga gastonan di diesel y gasolin pa e autonan di gobierno. Gobierno no ta pagando APFA locual cu e ta retene di ambtenaarnan.

Gobierno no ta pagando e huurnan di edificio na SOGA.

Pa colmo no ta pagando AZV tampoco manera mester ta.

Y e placa cu mester a bai na e fondo di turismo tampoco a wordo paga, cu a causa cu Minister di turismo Otmar Oduber a menasa Juan David Yrausquin cu hib’e corte.

Y durante e crisis aki, Gobierno no por fia placa pasobra Gobernador no a firma e presupuesto. Mike Eman, Baba Herde, Juan David Yrausquin y mas politico di AVP tur a cuminsa un campanja baho pa desacredita Gobernador. Awor ta sali na cla cu Gobernador ya desde mas di 10 dia pasa a mustra gobierno ki caminda pa cana pa atende cu e urgencianan di nos pais. Pero Mike Eman a hala e conseho ey un banda y a dicidi cu e no ta worry cun’e. E siman aki nan a saca e carta ey y kier hasi manera cos cu ta awo Gobernador a core manda e carta ey, djis pa sigi desacredita Gobernador.

Ta resulta cu e carta ta manda mas di 10 dia pasa, y Mike Eman sosteni pa prensa cumpra di gobierno ta insisti riba e campanja pa desacredita Gobernador.

Lider di MEP Evelyn Wever-Croes a bisa enfaticamente cu e simple hecho cu Mike Eman no a hasi caso di e carta, pero a sigi busca confrontacion cu Hulanda ta condenable, casi criminal.

“Ki dia MIke Eman ta bira honesto cu nos pueblo, ki dia MIke Eman ta bin splica pueblo kiko ela hasi cu nos pais? Tanten cu e no ta honesto, tanten cu e no asumi su responsabilidad ni culpabilidad, e no por saca nos pais di e crisis aki tampoco”, lider di MEP a finalisa bisando.

Oranjestad-Minister Otmar Oduber durante un conferencia di prensa diaranson mainta a aclarea y desmenti acusacionan haci entorno e proyecto di ex Bushiri Hotel. 

Ta asina cu siman pasa e mandatario por a tuma nota di diferente informacion cu a sali entorno e proyecto di ex Bushiri Hotel, caminda cu den e caso aki atrobe ta trata di e mesun persona Jan de Ruijter cu ta custumbra caba di tira su gal den direccion di e Minister di Turismo.  

Minister Oduber ta splica cu manera tur hende sa Sr. Jan de Ruijter ta un persona cu a purba aplica pa bira un coordinador den su bureau y na momento a nenge esaki , di biaha el a compromete su mes den un email cu el a manda e mandatario, bisando cu el lo purba di kibre, kibra e Gobierno te caminda e por y Sr. de Ruijter ta haciendo intentonan bastante extenso den esaki. 

Lamentablemente cada biaha e ta basa su acusacionnan riba mentiranan. E mandatario por a scucha cu siman pasa e tabata papia di entrega keho y por a mira opositornan ta papia tambe cu keho a wordo entrega,  pa motibo cu na momento a otorga e consecion pa por desaroya e area di Bushiri Hotel na e grupo di Southwest, esun cu a gana e tempo ey, a base di conseho di un comision cu a wordo estableci cu su presidencia tabata den man di e personanan di Banco Central di Aruba.

Minister Oduber a demostra cu henter e base rond di e acusacionnan ta falso, caminda el a mustra e garantia na  medionan di prensa presente y a duna copia di dje tambe. 

Manera e mandatario a splica, henter e testimonio di Sr. de Ruijter y di partido MEP,  cu ta afilia cerca di otro, cu ta bisa cu no tabata exisisti un garantia di banco na momento cu a otorga esaki, no ta berdad. 

Awe prensa ta wak e, comunidad di Aruba y pueblo ta wak e,  cu un biaha mas esaki ta un mentira flagrante. Dia 2 di maart 2012 e promer garantia a wordo otorga, Minister Otmar Oduber a indica. 

Minister di Turismo ta splica tambe cu nunca antes den ningun proyecto di Gobierno tabata exisiti cu bo ta exihi un garantia delanta riba un proyecto. Esaki a wordo introduci di tal forma cu si en caso e proyecto aki no continua, e desaroyadornan ta perde e dos miyon Dollar aki y Gobierno lo cobrele. 

E carta di garantia di banco a wordo poni na disposicion di prensa hunto cu e extencionan riba esaki duna pa Aruba Investement Bank (AIB).

Minister Oduber a trece dilanti un relato di prensa cu a wordo manda pa tur miembro di prensa dia un juni di e aña aki, cu ta mustra riba e hecho cu despues di un encuentro cu tabatin cu e desaroyadornan di Hard Rock Hotel & Casino y AIB cu e tempo ey a duna 20 dia , cu tabata un compromiso cu tabatin dor di un shareholders agreement cu mester a wordo cera cu e banco y un periodo di dos luna esaki lo mester wordo regla. Esaki ta bisa textualmente cu ‘E acuerdo aki ta encera cu e shareholdernan lo zorg pa 40% di e monto di inversion ser haci. Mester menciona aserca cu tanto e desaroyador y e banco ta cla pa pone performance bond.’ Kiermen tambe cu a wordo confirma pa AIB cu nan tin e documentonan pa pone performance bond caba y tin e lapso di tempo di dos luna pa nan por regla loke ta trata e financiamento completo. Na momento cu e financiamento ta completamente cla e ora ey por bay notario pa traspaso, pone e performance bond y cobra esaki. Ta trata aki di un performance bond cu ta na un balor di mas o menos 8 miyon Florin cu mester wordo poni. 

Minister Oduber a indica cu e comunicado di prensa aki a wordo manda luna pasa prome di juni 2014 pa tur medio di comunicacion y ta spera e ora manera a wordo bisa cu den e periodo aki por keda cla. Si no keda cla segun garantia di banco e grupo lo mester enetrega esaki na Gobierno di Aruba y Gobierno di Aruba lo dicidi kico ta bay haci cu e propiedad.

–Oranjestad Aruba a mira un otro muestra di e desaroyo y confianza cu tin den nos producto turistico. Copa Airlines a yega nos isla cu su di dos vuelo diario, algo cu lo bay tuma lugar 4 biaha pa siman. Anteriormente Aruba tabata conta cu 7 vuelo semanal di e compania aki y desde diahuebs esakinan a aumenta te na 11 pa siman cu ta representa un incremento di 376 asiento pa siman.
Copa ta bula for di Panama y ta conecta cu hopi puntonan strategico pa nos isla na Sur America, manera entre otro Brasil, Argentina, Chile y Colombia.
Mirando cu Minister Otmar Oduber pa motibonan fuera di su alcance no por tabata presente, Myrna Jansen, Senior Advisor di su ministerio a hiba palabra pa yama e di dos vuelo di Copa bon bini na nos isla. Den nomber di Minister Oduber el a yama bon bini na ehecutivonan di Copa y a gradicinan pa e confianza mustra pa nos producto turistico. Tambe el a reconoce Copa cu hunto cu ATA y AAA a traha hunto pa haci di e aumento aki un realidad unda cu nan a traha pa crea e demanda.
Claudia Zuluaga, Gerente Comercial pa region Caribense di Copa a conta cu nan a cuminsa na final di 2008 cu 4 vuelo pa siman, despues na 2011 nan a subi e frecuencia te na 7 pa siman y entrante diahuebs 3 di juli esaki a sigui subi yegando te na 11 vuelo pa siman pa Aruba.
El a bisa cu nan ta hopi contento di ta bulando pa Aruba, cu nan a wordo bon ricibi y cu si no tabata pa e apoyo di pueblo di Aruba Copa no lo tabata na nos isla. E kier reconoce specialmente ATA, AHATA y AAA cu na un manera consistente a apoyanan.
“Copa ta reitera cu nan tin pleno confianza den destinacion Aruba y cu por sigui conta cu sosten di nan aerolinea pa por sigui crece, manera nos a bin ta haciend’e te awor”.
Gerente Comercial di Copa a expresa tambe cu nan lo sigui atrae mas persona for di Latinoamerica pa bin Aruba, pa nan conoce e beyeza di nos isla y e bon servicio cu nos ta ofrece cual ta un ehempel pa hopi isla den Caribe.

ORANJESTAD – Aruba Airport Authority N.V. (AAA) was very happy when receiving the news that Copa Airlines would increase its service from Panama to Aruba and on July 3rd welcomed the first additional flight to Aruba. These additional flights complement Copa’s daily non-stop service to Aruba. Copa Airlines offers service to 67 cities in 30 countries in the Americas.
Copa Airlines a Copa Holdings, SA, subsidiary, member of Star Alliance, the leading global airlines network, started today a second frequency between Aruba and Panama. The new flight will operate on Saturday, Sunday, Monday and Thursday.
The new Copa flight CM 213 will depart from Aruba International Airport’s on Saturday, Sunday, Monday, and Thursdays at 7:01 p.m., arriving at Copa’s Hub of the Americas in Tocumen International Airport in Panama City at 08:05 p.m. The return flight CM 212 will depart Panama at 12:06 p.m., arriving in Aruba at 03:06 p.m.
“Today, we are very pleased to launch a second flight with nonstop service between Aruba and Panama offering more options to the Americas with 11 flights a week”. Explained Claudia Zuluaga, Commercial Manager Caribbean Region. “This second frequency will operate a modern and comfortable Embraer 190 aircraft with a capacity of 106 passengers. This is a special moment for Copa Airlines in Aruba. Our operations started in 2008 with 4 flights a week growing to daily in 2011.

This history of success is the result of the consistent cooperation partnership between our airline and Aruba officials headed by the Aruba Tourism Authority and the Aruba Airport Authority”, added Zuluaga.
Established in 1947, Copa Airlines transported more than 11 million passengers in 2013. The airline was named “Best Airline in the Central America and Caribbean region” at the Skytrax World Airline Awards in June 2013. Additionally, Copa continues its commitment to providing world class service to its customers by maintaining its high standard of service recognized by the industry and the best on-time performance in America.
Copa’s on-board service includes complimentary meals and beverages, including wines and spirits; a 12-channel audio-visual entertainment system in English, Spanish and Portuguese, with new movies monthly and complimentary headsets.
“We’re very happy that our airline partner Copa Airlines has been growing steadily in demand and believes that our destination deserves additional flights that will benefit our passengers. Copa Airlines is a valuable partner for Aruba Airport and we look forward to coveting Aruba with twice daily flights in the future!” said Peter Steinmetz CEO of Aruba Airport Authority.