Minister di Turismo Otmar Oduber Ta hopi contento cu e interes y e confiansa cu tin den e mercado y destinacion cu yama Aruba

Posted: July 9, 2014 in Johnny Habibe
OTMAR 4
Oranjestad-Den un encuentro cu prensa diaranson mainta Minister di Turisismo, Transporte, Sector Primario y Cultura Otmar Oduber a comparti noticianan hopi alentador pa cu e industria di turismo di Aruba.
Minister Oduber a felicita tur partners den e industria di turismo, den e caso aki Oficina di Turismo (ATA), AAA y AHATA y otronan manera ATSA cu e yegada di e prome vuelo international di Southwest y e aumento di vuelonan di Copa Airlines aki na Aruba.
Esaki ta yena e mandatrio cu un orcuyo hopi grandi mirando cu ya desde un aña y mey pasa el a bishita e oficinanan di Southwest y ya caba desde e tempo ey tabata papia di e fusion cu lo bay existi den futuro entre e dos aerolineanan y cu a scohe Aruba como e prome destinacion di Southwest cu naturalmente a acapara aviccion enorme na Merca. E noticia cu Southwest a scohe Aruba como e prome vuelo cu nan ta haci internacional a pega dibiaha na tur netwerk den prensa na mericano.
Minister Oduber ta splica cu e metanan cu Gobierno tin pa cu e adkicion di Southwest na Aruba, cu naturalmente ta habri oportunidadnan di ampliacion den dos gateway cu recien a wordo adkiri. Ta asina interesante pa mira e frequencia di e vuelonan aki aumenta e dianan nos dilanti yegando e temporada di winter.
Un otro bon noticia cu e mandatario a comparti ta e hecho cu Copa Airlines a bolbe aumento nan vuelonan pa Aruba.  Na momento Minister di Turismo a asumi su responsabilidad na 2009, Copa tabatin 4 frequencia pa siman na Aruba, awe nos ta conta cu 11 frequencia di Copa. Esaki ta un aumento total di 7 frequencia, caminda 4 dia den siman Aruba ta conta cu dobbel vuelo cu ta habri un oportunidadnan enorma pa asina haya e mercadonan segundario pa bin Aruba atraves di Panama.
Minister Oduber ta hopi contento cu e  interes y e confiansa cu tin den e mercado y destinacion cu yama Aruba, unda cu no solamente na Merca pero tambe loke ta trata e hubnan na Centro America tin un stabilisacion y un incremiento basta significativo pa loke ta trata e cantidad di vuelonan.
E mandatario a ricibi ayera e resultadonan  positivo di turismo for di  ATA pa cu e prome 6 lunanan di e aña.  Ta papia di un aumento di 5.3% pa loke ta trata e prome 6 lunanan di e aña aki, logrando e meta riba loke a wordo poni cu ta e 2,5% di crecemento.
Minister Oduber ta indica cu si mira e refleho di e REFPAR, ADR y e crecemento serca e hotelnan, esaki ta sigur un indicacion cu nos ta logrando e meta no solamente casi dobbel di loke a wordo poni den e cantidad di bishitantenan cu lo mester bin nos isla, pero cu e meta pa pone un crecemento di 4% di loke ta trata tur entrada cu e bishitante ta laga atras. E ora ey nos por ta convenci cu na momento Banco Central bay duna relato di esakinan, nos lo mira un tendecia positivo mescos nos a mira aña pasa.
E mandatario ta splica cu luna di juni manera hopi sa ta un di e lunanan floho di aña, unda cu nos a mira un crecemento di 7.5% pa juni 2013 segun e cifranan cu ATA a difulga ayera. Esaki ta un satisfaccion grandi pa mira cu e mercado Mericano ta reaccionando hopi bon compara cu nos competidornan pa loke ta trata na bishita pa Aruba.
Minister Otmar Oduber ta felicita ATA, tur partner y tur esnan cu ta traha den e industria di turismo pa e resultadonan positivo aki.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s