SUBWAY ARUBA CU CURSO PA SU STAFF

Posted: August 25, 2014 in Noticiero 94

Subway

Oranjestad,– Subway Aruba ta conoci pa ta e fastfood di mas saludabel rond mundo caminda cu nan ta ofrece pan, salada, flatbread, wraps y soppi cu diferente tipo di ingrediente. Subway ta conoci pa ofrece tur nan productonan fresco caminda cu loke bo pidi ta wordo prepara bo dilanti. Ademas di esaki Subway ta promove movecion y semper ta percura pa mantene nan servicio y nan calidad na esun di mihor.

Banda di esaki Sublicious Aruba N.V. ta un compania cu semper ta inverti den e desaroyo y conocimento di su staff. Esaki tawata e caso tambe na comienso di siman caminda cu tur managers a sinta hunto pa tuma un curso caminda cu tecnicanan mas avansa y nobo cu ta wordo usa den Subway a wordo presenta. E curso aki a wordo duna pa Sr. G. Hernandez kende a bin for di Merca.

E meta di e curso aki ta pa mantene staff y personal di Subway bon informa di e cambionan di mas nobo como tambe pa mehora e conocemento. Ademas nan ta papia di e forma con pa mantene un bon servicio y duna informacion na cliente den tienda. E curso aki a consisti di un parti teoretico y practico caminda cu na ultimo nan a ricibi un demostracion den tienda di locual a wordo presenta mainta pa asina aki sigura cu por trece tur loke cu nan a sinja den practica.

Tur participante a ricibi un certificado na final di e curso como prueba cu nan tuma parti di e curso aki.

SUBWAY ARUBA tin 8 localidad parti strategicamente ariba nos isla. 7 di nan ta habri tur dia di 730am pa 11pm. Esakinan ta Cura Cabai, Savaneta, Sta. Cruz, Paradera, Palm Beach, Alhambra, y Seaport. Subway Certified ta habri di dialuna pa diasabra di 8am – 430pm. Sigui tur desaroyo di SUBWAY via http://www.facebook.com/SUBWAYARUBA y ariba twitter na @SubwayAruba y kedabo bon informa.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s