Johnnyhabibe-Anchorman

Sinembargo hopi hende ainda no a haya nan placa di inkomstenbelasting bek desde 2008 te cu awor. Un abuso naturalmente pasobra si bo debe belasting si bo mester paga mesora, pero si bo tin cu haya placa bek, abo mester keda warda. Pesey lider di MEP, hasiendo uso di su derecho constitucional como parlamentario, a cuestiona e minister di finansas pa haya sa ki dia hendenan ta bai haya nan placa bek.

Tambe e ex-minister a priminti cu e ley pa asina gobierno pagabo interes bek, lo wordo entrega na Parlamento fin di e anja aki, y lider di MEP a manda puntra e minister nobo con leew e proyecto aki ta. Awor ta asina cu si un cuidadano debe belasting, en mester paga interes si e tarda pa paga. Pero si gobierno mester paga placa bek na e cuidadano, e ora si gobierno no ta paga interes. E desbalance aki mester caba, y pesey mester cambia e ley.

“Atrobe ta yega momento cu hendenan mester yena nan formulario di belasting, pero ainda nan no a haya placa bek di varios anja. No ta husto cu e cuidadano tin obligacion pa yena y entrega su formulario, pero Gobierno no ta comprometi pa duna e cuidadano su placa bek. Pesey mi a hasi pregunta na minister Bermudez, y mi ta spera di haya contesta di dje mas pronto cu ta posibel”, lider di MEP Evelyn Wever-Croes a duna di conose.