MEP TA CONTRA AUMENTO DI TARIFA DI CORIENTE Con ‘green energy’ por ta bon pa Aruba, si riconan ta bira mas rico, y pobernan ta bira mas pober?

Posted: September 7, 2014 in Johnny Habibe

Fraccion MepOranjestad CRUZ – WEB y Elmar a informa cu tarifa di coriente mester aumenta debi na varios argumento.Den e articulo aki nos ta bari cada argumento for di mesa:

#1 Un di e argumentonan ta cu WEB mester paga pa e inversionnan den energia berde. Pesey mester aumenta e tarifa pa esnan cu ta usa menos di 500 Kwh pa luna cu 15%, y mester baha pa esnan cu ta usa mas di 1000 Kwh cu 4%. Unda e logica ta? Dicon mester rebaha pa esnan cu ta usa hopi, y aumenta esnan cu no ta usa hopi? Pobernan ta bira mas pober, y riconan ta bira mas rico. Esaki ta inhusto, especialmente pasobra ta pa paga pa e aventura GREEN di Mike Eman.
# 2 WEB y Elmar tin hopi tempo ta propaganda pa hende gasta menos coriente, pa cumpra airco inverter, pa cambia bombiyonan pa LED, tur ta costa masha hopi mes, pero hopi hende a sigi e conseho aki pa asina baha nan recibo di coriente. Awor WEB ta bisa cu PASOBRA hendenan a hasi tur esey, e companianan no ta haya mes hopi placa mas, y pesey mester hisa e tarifa! Unda e logica ta? Nos a cumpra inverter y LED pa baha nos gastonan, no pa WEB bin hisa e tarifa!
# 3 WEB a usa otro argumento ilogico cu Valero a aumenta e handling fee di 2 dollar pa 6 dollar, pues cu 4 dollar cu ta 7 florin. Pero mientras tanto tin hopi tempo caba ta cobra e vast recht di 10 florin, cu awor ta bai bira 12.50 cu ta hopi mas cu e 7 florin di e handling fee. Kiermeen e argumento aki tampoco no ta conta.
adv-hit94fm
# 4 Un otro argumento di WEB ta cu biento na Aruba ta mucho fuerte, y pesey mester hisa prijs di coriente. Acaso ta awor biento a bira mas fuerte? Sigur cu no. Biento na Aruba ta mescos cu antes! Kiermeen Urirama ta bai hisa prijs hopi mas anto.
Ningun di e argumentonan aki di WEB ta conbense nos. Nan ta argumentonan fofo, den un intento pa sconde informacion. Fraccion di MEP ta contra e aumento di tarifa, y a exigi pa mira e gastonan di WEB, Elmar y Utitlties den e relatonan financiero di cada compania. Gobierno no kier duna e informacionnan aki. Tanten nos no mira esakinan, miembronan di fraccion di MEP ta haya cu gobierno no por hisa e prijs di coriente.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s