MEP atrobe ta malinterpreta jaarrekening y malinforma pueblo Hasta a entrega keho falso na Ministerio Publico

Posted: September 8, 2014 in Johnny Habibe

Ormar7

Oranjestad-Durante conferencia di prensa dialuna mainta Minister Otmar Oduber a reacciona riba e acusacionnan falso di parti miembronan di fraccion di MEP, unda hasta na cierto momento hasta a entrega keho na Ministerio Publico pa loke ta trata presupuesto 2013.

E mandatario ta condena fuertemente e tipo di actitudnan aki, pasobra si como miembronan di Parlamento nan a haci nan trabou y lesa kico ta poni den rapport di Algemene Rekenkamer (ARA) y a base di kico ta e cifranan cu tin poni tambe den e jaarrekening di 2013, nan lo sa cu e aangifte cu a haci ta uno falso y cu no tin base.

Minister Oduber mustrando e pakico su expresionnan, tumando ehempel di su Ministerio di Turismo, Transporte y Labor (cual e tabatin te 2013), ta bisa cu en berdad e rapport di ARA ta mustra riba e hecho cu a surpasa su presupuesto cu 3 miyon Florin, pero loke oposicion no ta menciona ta cu e mesun rapport ta bisa cu e jaarrekening ta basa riba diferente gasto cu administrativamente ta wordo geboek no conforme na momento cu gastonan ta wordo haci of conforme di loke presupuesto ta wordo traha. Pa splica mas detayadamente esaki e mandatario a cita pagina 113 di e jaarrekening cu ta bisa cu ta constata cu tabatin un overschrijding di 3 miyon Florin na Ministerio di Turismo, pero tambe nan ta bisa dicon e la wordo geboek asina. “048 Overig TTA. De begrottingsoverschrijding ten bedrage van Af. 3.448.129 bij deze budgethouder wordt voornamelijk veroorzaakt door de voedingen van het Land van TPEF over voorgaande jaren, welke begroot zijn in voorgaande jaren”.  Esaki kiermen cu e minister a presupuesta su entrada y gastonan den presupuesto 2012, e placa a drenta, pero lamentablemente na momento cu administrativamente finanzas mester a haci e pagonan, e la hacie den e aña siguiente.

adv-hit94fm

Es decir, e propio rapport ta splica cu ta bay over di fondonan di TPEF di añanan anterior cu a wordo presupuesta den añanan anterior.

Otro ehempel cu Minister Oduber a duna ta cu ora 2012 a finaliza, na 2013, a wordo notifica di Arubahuis pa loke ta trata su ministerio cu boekingnan di algo mas cu 100 mil a wordo haci lat, nan a drenta na maart, pero ta gastonan cu a wordo haci na 2012. Es decir, nan ta wordo geboek den presupuesto di 2013, esaki a pesar cu e tabata presupuesta y tabatin placa pe na 2012.

Despues di esaki e mandatario a sigui cita pagina 11, mustrando e parti di opbrengsten. “De opbrengsten bij deze budgethouder bedragen Afl. 27.793.774 welke in 2013 niet begroot waren. De opbrengsten hebben betrekking op dividenuitkeringen van Aruba Airport Authority N.V. over voorgaande jaren”. Es decir, na 2013 no a presupuesta cu lo tin 27 miyon di entrada, pero e tabatey si. Na aña 2012 a pone den presupuesto cu ta bay ricibi un dividendo di aeropuerto di casi 26 miyon e tempo ey, pero a resulta cu e no a drenta den caha di Gobierno promer cu 31 di december y a drenta na 2013. E ora ey ta boeke den e aña cu e la drenta, esta 2013 y pesey ta bisa cu tin 27 miyon mas hopi cu loke a wordo presupuesta, pasobra e tabata den presupuesto di 2012.

Minister Oduber kier splica cu esaki cu e insinuacionnan di MEP cu ta bisa cu placa a desaparece, cu placa a wordo horta ta indica cu “piensa el ladron que todos son de su misma condicion”.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s