Oranjestad-Den e ultimo dianan aki mas y mas ta bira bisto cu nos Pais tin 3 gobierno den gobierno. Ya cu nos por observa un gobierno lidera pa Minister Eman cu ta bisa algo, un gobierno di Minister Bermudes cu ta papia otro lenguage y un gobierno di Minister Oduber cu ta haci algo full diferente.
Si nos tuma por ehempel locual Minister Eman a declara den prensa Hulandes den e corant Financieel Dagblad di 1 di september 2014, nos por mira prueba cu den e gobierno aki tin tres gobierno. Den e artikel aki Minister Eman ta bisa cu su gobierno lo drecha finanzas publico door di introduci un belasting riba transaccion. Siendo cu den prensa na Aruba, Minister Bermudes ta para ariba cu ainda no ta sigur cu lo bin cu e belasting aki. Pues aki e dos ministernan ta contradeci otro, locual ta mustra cu ta dos gobierno diferente tin aki.
Den dicho artikel Minister Eman ta sigi declara cu su gobierno no ta kere den hisa entrada door di traha mas hotel ya cu esey no ta duradero. Siendo cu na Aruba Minister Oduber ta gaba cu hotel na Arashi y un MOU pa trece hotel na San Nicolas. Pues aki tambe e dos ministernan ta contradici otro formalmente.
Esaki ta djies un ehempel cu ta mustra cu nos Pais na e momento aki tin 3 gobierno den un gobierno y cada un ta papia y haci cosnan diferente te na e extremo cu bo no sa mas ta ken ta nos Minister President realmente.
Johnnyhabibe-Anchorman 