Minister Otmar Oduber a presenta e realidad di e situacion di jaarrekeningen di Pais Aruba E ta un realidad cu ta existi bou tur Gobierno cu a sinta desde Status Aparte

Posted: September 10, 2014 in Noticiero 94

Oduver

Oranjestad-Minister Otmar Oduber durante un conferencia di prensa a mustra riba e situacion cu tin pa loke ta trata nos jaarrekeningen (cuentanan anual) cual ta uno cu ta existi pa 28 aña caba di nos Status Aparte.

Na mesun momento el a felicita y elogia su colega Mike de Meza publicamente, esaki mirando e trabou cu el a haci durante cu e tabata Minister di Finanzas, mas ainda mirando cu oposicion a dicidi na un forma conciente di malinforma pueblo.

E mandatario a mustra cu awe por tin discusion riba cifranan, pasobra awe nos tin jaarrekeningen, siendo cu pa e ultimo 20 pa 25 aña no tabatin. Esaki a duna claridad y awor por mira e realidad di e presupuestonan y cu cuanto nan a wordo surpasa (of no).

Asina el a mustra cu na 2000 e presupuesto a wordo surpasa cu 127 miyon, na 2001 e la wordo surpasa cu 206 miyon, na 2002 a surpase cu 54.9 miyon, na 2003 e la wordo surpasa cu 88.8 miyon, na 2004 a surpasa presupuesto cu 89.9 miyon, na 2005 a surpase cu 73.7 miyon, na 2006 e la wordo surpasa cu 19.1 miyon, na 2007 a surpase cu 67.4 miyon, na 2008 e la wordo surpasa cu 38.7 miyon.

Despues desde 2009 te 2012 por a mira un cambio, e cambio pa cual Minister Oduber a elogia su colega de Meza. Jaarrekening di 2009 ta mustra un onderschrijding (a gasta menos di loke a presupuesta) di 1.9 miyon, na 2010 a gasta 4.2 miyon menos cu a presupuesta, na 2011 a gasta 23.5 miyon menos cu a presupuesta pa e aña aki y na 2012 a gasta 3.1 miyon menos cu loke a presupuesta. “4 añanan di Minister de Meza y Gabinete Mike Eman caminda a percura pa no tin un overschrijding, pero un onderschrijding”.

Cu esaki loke Minister Oduber kier refleha no ta pa culpa otro, sino pa ta sincero cu comunidad, pa splica di berdad kico ta e ponencianan cu ta ser treci dilanti, tambe mester por splica cu durante e 28 añanan cu nos tin di Status Aparte en berdad tabata imposibel pa genera jaarrekeningen.

E mandatario ta bisa cu e posicion di Algemene Rekenkamer ta na su lugar ora ta bisa cu tin mester di reglanan y personal capacita (adicional) pa por logra yega na un jaarrekening aproba.

Dunando un ehempel di e situacion, Minister Oduber a indica cu na augustus di e aña aki e no por a haya un bista ainda di kico su gastonan tabata, pasobra tin cosnan di aña pasa cu ainda no a wordo geboek. Si por tabata sa na e momentonan aki kico e gastonan tabata pa compara cu e presupuesto,  e ora por a tuma pasonan den e 4 lunanan di aña cu falta pa por ahusta na e presupuesto. “E ta un realidad, e ta e realidad di e Gobierno aki, e ta e realidad di Gabinete Mike Eman I, e ta e realidad di 28 aña di gobiernonan cu a sinta”.

Finalizando, Minister Otmar Oduber a indica cu e ta haye importante pa desenmascara e forma cu ta malusa e informacion di Rekenkamer, siendo cu ta trata di un situacion cu a bin ta tuma lugar bou diferente gobierno debi na e falta di reglanan, maneho y mas personal capacita den Gobierno pa por logra yega na un jaarrekening aproba.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s