Oranjestad-E mayoria den Parlamento di Aruba den su ultimo reunion pa Aña Parlamentario 2013-2014 a pasa dos mocion relaciona cu e crisis constitucional cu a presenta na nos Pais. Nos a bay contra e mocionnan aki pa e sigiente motibo.
Autonomia ta encera responsabilidad. Si Parlamento lo a actua debidamente awe no lo tabata tin crisis financiero y ni crisis constitucional. Awe kier bin cu un pleister den dos mocion pa por sconde pa e falta di responsabilidad y busca moda pa tira culpa riba otro. Locual cu e Fraccion di AVP mester realisa ta cu ex Minister Yrausquin den su carta di retiro mes a divulga con nan a deal den Conseho di Minister di Reino pa logra cu Tweede Kamer bay di acuerdo cu mocion Herde/Yrausquin pa un geschillenregeling a cambio cu Parlamento di Aruba ta bay di acuerdo pa entrega di autonomia via cambio di articulo 27 inciso 3 di Statuut na momento cu a haci cambio den Statuut pa haci 10-10-10 posibel. E tempo ey como parlamentario Yrausquin a categorisa e perdida aki como djies un tiki entrega di autonomia. Mescos cu Minister Eman a yega di bisa nos Pais ta bay djies un tiki den rood y awe wak e consecuencia cu nos ta sinta cu un KB riba nos cabes, un investigacion di CFT y un menasa real di Hulanda pa impone un Algemene Maatregel van Rijksbestuur y tumando asina e gobernacion di nos Pais over.
Ta danki na e falta di responsabilidad y oportunismo politico, awe nos Pais ta den un crisis financiero y constitucional cu ningun mocion por drecha. Ta solamente si nos asumi e responsabilidad cu ta compania nos autonomia nos lo por evita cu otro ta mete den nos asuntonan.
Johnnyhabibe-Anchorman 