Parlamentario mr. Xiomara Ruiz-Maduro: AVP debe Pueblo splicacion riba gastonan green di Gabinete Eman paga door di WEB, ELMAR y Utilities

Posted: September 11, 2014 in Johnny Habibe

XRM persconf mei 2014 (1)

Oranjestad-Prijs di coriente ta bay subi cu 15% pa Pueblo desde 1 di oktober 2014 sin cu Pueblo a haya debido splicacion kiko ta e gastonan green cu e companianan WEB, ELMAR y Utilities a paga pa Gabinete Eman. Ta danki na e gastonan aki awe Pueblo mester bay paga mas na coriente. Pero te dia di awe niun hende di AVP tin curashi pa mustra e cifranan real di e cuentanan anual cu ta mustra con Gabinete Eman a abusa di e fondonan di e companianan di utilidad.

Ta conoci cu Gabinete Eman tin un vision berde den cual a haci un cantidad di conferencia berde, a bin cu TNO, a biaha varios caminda rond mundo pa profetisa e ideologia berde y a bin cu yen proyecto cu pinto berde. Tur esakinan a costa placa cu Gabinete Eman mes no tin y pesey a laga e companianan di utilidad paga pa tur e gastonan aki. E companianan aki a paga tur e gastonan aki cu e placa cu normalmente pa ley nan lo mester a paga como dividend na Gabinete Eman. Di e manera aki Gabinete Eman por a manipula e Pueblo bisando cu nan no a saca ningun placa di dividend for di e companianan, pero den realidad tur e placa aki a wordo usa pa paga gastonan di Gabinete Eman.

Partido AVP su exponentenan ta menciona cu e Gobierno di MEP a tuma 208 miyon di dividend di e companianan di utilidad pa hinke den e fondo general di gobierno pa por paga pa gastonan di gobernacion. Esaki ta algo cu ley ta permiti y Gabinete Oduber di e manera aki a yega na fondo pa traha proyecto pa Pueblo sin cu e mester a bay haci fianza riba mercado internacional creando debe pa e Pueblo. Pero awe AVP no ta splica cu nan a fia 1000 miyon florin riba mercado internacional na interes di 5 a 6% creando un debe enorme riba lomba di Pueblo y banda di esaki obliga e companianan di utilidad pa paga nan gastonan berde. Esaki si esnan di AVP a perde curashi y habla pa splica Pueblo. Pasobra kizas nan no sa cu cual cara nan por mustra cu tur e placa aki a bay djies pa engrandese e ego personal di nos Minister Eman den foro y symposia riba e tereno green y nada no a bay den proyectonan necesario pa e Pueblo aki.

Radio Productions

Pesey e ta inmoral cu Gabinete Eman ta hisa prijs di coriente sin ningun dia duna Pueblo un splicacion cuanto e Aventura green di Gabinete Eman a costa e companianan di utilidad. Ta ki miedo Minister de Meza tin di habri buki di ELMAR, WEB y Utilities pa Pueblo por mira con e companianan aki di utilidad a keda cu dividend aden djies pa paga tur gasto green di Gabinete Eman? AVP debe Pueblo un splicacion y ta di spera cu Minister de Meza por ta sincero cu e Pueblo aki y habri buki y mustra Pueblo e berdad tras di e subimento di prijs di coriente.

11 september 2014

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s