Beyond Fitness by Niurca de Cuba ta presenta “Gana bo Size 3” Buddy Edition

Posted: September 14, 2014 in Noticiero 94

IMG_9890

Oranjestad-Gana bo size ta un programa cu lo yuda bo perde peso, bou guia, hunto cu un plan nutricional balansa combina cu ehercisio adapta di cardio y tonificion. E lo tin un duracion di tres luna cual a cuminsa september y lo termina na final di november. Combina cu e oportunidad pa por gana various premio. 

Diasabra ultimo nos a hasi e prome programa pa trese e variacion como tambe un reto adicional banda di e training di 5 biaha pa siman. Intructor E.Molina tabata esun cu a duna e instruccion na e participantenan unda nan mester a pasariba un ruta di opstaculo combina cu ehersicio dinamico y explosivo. Tambe AMA cu a monitoria e salud durante e reto. Participantenan a sa di termina e trayecto como tambe hasi e ehersicio abase di nan capasitad físico.Ta admirable con tur a apoya otro pa logra e meta cu ta pa compli cu e ehersicio. 

E programa no por tabata posible sin sponsors cual ta Digicel, Trash by Ronchi y Gatorade. Diasabra a saca e prome ganadora di Gana bo size  esaki tabata un premio sopresa como un estimulo pa sigui hasi su maximo esfuerso durante e challenge.

Na Aruba nos conoce un indice di sobrepeso hopi halto. Caminda various di nos kier cuminsa hasi algo pero no ta traha tempo pa cuminsa y ora nos cuminsa no ta motiva pa sigi. Durante e programa aki e enfoke lo ta pa traha gruponan chiquito “Buddies” cual lo yuda stimula y encurasha otro pa sigi y continua pa asina hunto logra e meta proponi. Un otro motivo pa cuminsa hasi movecion bou giua ta pa hisa bo autoestima. Tambe duna bo mes e oportunidad di luci pa fin di aña. Durante “Gana bo Size” 1 y 2 diferente persona a logra nan meta. Esaki danki na nan determinacion y dedicacion pa

completa e programa. 

Pa cambia bo estilo di bida ta un decisión personal, abo mester kier un cambio. Hiba un dieeta balansa cu combinacion di movecion lo hiba bon na exito. Pa mas informacion por sigi nos riba Facebook Beyond Fitness of por contact nos na 742-1781.


    Radio Productions


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s