Oranjestad-Diabierna ultimo Brazil Taekwondo Stichting a reuni hunto cu su directiva na unda cu a discuti varios puntonan. Awor cu e tempo ta acercando a cuminsa plania pa e Cena di Pasco y intercambio di regaldo.
Mester cuminsa plania e fiesta cu lo bay ta mas grandi cu esun di aña pasa. Lo cuminsa pa 7’or di anochi pa asina e por caba pa 11’or y mey di anochi. E aña aki lo bay saca e ganador di e concurso di Prensa di aña 2014 cu lo biaha cu e 3 teamnan di Brazil Taekwondo Stichting pa Surinam dia 28 di Februari 2015. Tur aña Brazil Taekwondo Stichting ta trata di haci e Cena di Pasco algo unico na unda cu e atletanan ta central na e anochi aki cu sa tin hopi sorpresanan. Alberto Klabér no por saca afor ainda kiko tur lo bay tin, pasobra ainda e ta tratando di haya informacion di algun di e cosnan cu e kier haci. Un di e cosnan ta cu Santa Claus no por ta presente door di su compromisonan. Aña pasa hopi stoel a bay laira ora cu e atletanan tabata buscando e regaldonan cu tabata tin bou di 3 stoel pega. E aña promer tabata e potretnan cu a wordo laba durante di e Cena di Pasco ora cu tur hende tabata cenando. Tambe hopi a saca potret cu e hall of famer Alberto Klabér y a haya e potret ey saca den un leishi 30 minuut despues cu a saca e potret. E aña aki no sa kiko tur ta bay sosode ainda, pero ta bay ta algo otro.
Hopi ta puntra ta kiko ta bay pasa of kiko ta bay tin. Un cos a sali afor ta cu Prensa lo bay ta central den esaki e aña aki.
Johnnyhabibe-Anchorman 