Oranjestad-Minister Otmar Oduber a anuncia noticia hopi positivo pa turismo di Aruba. Southwest a anuncia cu Aruba ta bay haya un gateway nobo desde 7 di maart 2015. For di fin di siman caba Southwest a anuncia e vuelo adicional cu un capacidad di 143 asiento for Houston pa Aruba, incialmente cu vuelonan riba diasabra.
Minister Oduber a indica cu e vuelonan di Southwest for di Orlando, Atlanta y Baltimore a crea oportunidadnan grandi pa diversificion di nos mercado turístico.Esaki ta forma parti di e strategia cu nos tin pa cuminsa atrae mas y mas e bishitante afluente cu ta esunnan cu ta gasta riba nos isla y cu ta bin for di e parti West di Merca.
Minister Oduber ta sumamente contento cu e confirmacion di Southwest haciendo Aruba un bes mas e promer destinacion den Caribe cu lo ricibi un vuelo for di e destinacion Houston. E vuelo aki lo tuma lugar tur diasabra y lo inicia na maart 2015. Esaki ta sigur un noticia sumamente positivo pa turismo di Aruba.
Esaki ta mustra un biaha mas e confianza cu tin den e industria turistico di nos isla. Pa añanan largo a concentra riba e parti North East y e maneho tabata uno pa diversifica mas y mas y logra trece e bishitante for di e parti West di Merca tambe.
Minister Oduber ta convenci cu e vuelonan di Southwest lo keda aumenta, sigur ora mira kico e ta significa den cantidad di bishitantenan pa Aruba.
Johnnyhabibe-Anchorman 