Oranjestad-F.A.D.A. conhuntamente cu R.B.C. Royal Bank y demas sponsersnan, Meta Corp, Insel Air, Banco di Caribe y Carribean Paint ta presenta dianan 14, 15 y 16 di oktober , grandioso Congreso internacional di promocion di salud y prevencion contra droga.
Lo ta bai presente durante e 3 dianan di e congreso diferente orardornan procedente di Hulanda, Curacao, Boneiro y tambe di Aruba.
Ta trata di profecionalnan den e trabou di prevencion contra droga y abuso di alcohol.
Ariba dia 14 di oktober ta toca turno na e orardor: Dr. Lex Lemmers.
Señor Lemmers ta procedente di Hulanda y ta traha como investigador cientifico na Trimbos Institute na dicho pais.
E lo elabora ariba temanan manera:
1) Prevencion contra abuso di alcohol dor di studiantenan.
2) Desaroyo emocional, social y Resistencia
3) Prevencion di daño dor di alcohol na hobennan den proceso di cresemento.
E contenido di e presentacion den liñanan grandi lo ta entre otro:
Daño dor di alcohol na hobennan (celebro, prestacion na scol y tambe seguridad)
Kico por wordo haci y kico ta prevencion efectivo.
Desaroyo di un maneho di prevencion contra alcohol pa hobennan
E 2 caranan di alcohol (placer y consecuencia)
Dr. Lemmers ta conoci pa su trabounan extraordinario den e area di prevencion.
Fundacion Anti Droga Aruba ta extende un cordial invitacion na pueblo di Aruba en general pa asisti na e dianan di congreso.
Lo ta bai ta dianan di hopi informacion valioso cu lo ta di gran ayudo pa mayornan y educadornan. Pa mas informacion por bishita e website di e congreso cu ta: www.congressprevention.com
Johnnyhabibe-Anchorman 