Minister di Cultura Otmar Oduber 
Centro di ciudad a yena cu miles di hende bishitando e diferente monumentonan  

Posted: September 15, 2014 in Johnny Habibe

Oduber OOranjestad-Minister di Cultura Otmar Oduber a celebra e di 4 edicion di Paseo Monumental hunto cu miles di hende  e Dia Nacional di Monumentonan habri pa publico unda nos a recorda nos herencia cultural tangibel.

Comunidad a acudi masalmente na e evento historico-cultural aki y a yena nos centro di ciudad bishitando e diferente monumentonan.

E mandatario a indica cu tabata un momento special unda cu Monumentenbureau hunto cu Monumenten Fonds, tur e partnernan,  DCA y arkitectonan a duna comunidad completo e oportunidad pa henter dia por a cana y bishita e tesoro di nos pais Aruba cu ta e monumentonan.

Nos mester percura pa por transmiti e historia y e balor di e herencia cultural tangible cu tin aki na Aruba pa nos futuro generacionnan. Pa e motibo aki mi ta honra, no solamente como e Minister encarga cu Cultura, pero tambe  di por tabata parti di e team cu a traha riba un dia asina special, Minister Oduber a bisa.

E Paseo Monumental a pone enfoke riba 11 edificio monumental den centro di ciudad aki na Aruba y a reconoce e historia cu tin den cada un di e monumentonan aki cu mester wordo hiba den futuro pa por pasa esaki tambe pa nos mucha y hobennan.

Minister Oduber a splica cu Gobierno di Aruba a pone enfasis atraves di Monumenten Fonds, hunto cu e trabounan cu a wordo haci pa Monumentenbureau, pa enfoca no solamente pa rescata e monumentonan aki pero percura tambe pa nan wordo manteni.

Durante e añanan cu a caba di pasa un trabou grandi a wordo haci pa rescata e monumentonan aki y un trabou grandi lo sigui wordo haci pa manetene un gran mayoria cu ya caba a pasa den e fase di restauracion.  A percura tambe pa por rescata otro monumentonan den e añanan venidero y asina manetene parti di e herencia cultural tangibel, unda nos por mishi y sinti e rikesa cu tin hinca paden den cada un di e monumentonan aki.  Parti pafor por ta bunita pinta, pero paden nos por sinti kico nos grandinan a haci pa awe nos por disfruta di dje, e mandatario a bisa.

Den e mes un rosea Minister Oduber hunto Monumenten Fonds a haci un yamada na sector priva y na tur doño di edificionan pa hunto cu Monumentenbureau percura pa registra e monumentonan aki y evita cu esakinan ta bay perdi. “Nos no por laga e  edificionan colorido cu ta e aspecto cultural di Aruba bay perdi”


adv-hit94fm


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s