Contrario na insinuacionnan di MEP den caso di hacking na Arubus Arubus a entrega keho oficial inmediatamente na polis local y Hong Kong

Posted: September 19, 2014 in Noticiero 94

ODUBER6Oranjestad-Durante un conferencia di prensa diahuebs mainta Minister di Transporte Otmar Oduber a inidica cu el a tuma nota di un serie di mas di 20 pregunta cu Sr, Dangui Oduber a haci na su persona cuestionando e sucesonan cu a tuma lugar na Arubus, pakico lo a sconde of tapa y cu e cos aki ta hole straño.

Netamente e actitudnan aki ta e motibo pakico a prefera pa atende e situacion akinan na un forma serio, pasobra e ta un asunto serio na momento cu ta hack un compania y naturalmente pa por ricibi e fondonan aki bek no ta facil, e mandatario ta bisa.

Minister Oduber a splica cu ta mantene e infomacionnan na e momentonan aki na un forma habri y transparente pa asina aki evita e tipo di speculacionnan infantil haci di parti di Sr. Dangui Oduber di fraccion di MEP.

Na momento un miembro di Parlamento ta papia di hacking, e mester ta sigur di loke e ta papia. Pero den e caso di Sr. Dangui Oduber, el a bisa cu pa bo hack un account bo mester tin password y token. E forma cu e parlamentario di MEP ta critica y ataca, treciendo tipo di argumentonan asina fofo dilanti,  ta sumamente infantil, Minister di Transporta ta bisa.

Minister Otmar Oduber a splica tambe riba e proceso cu ta tumando lugar pa trata e caso aki cu ta wordo considera un caso civil na e momentonan aki. Tur keho a wordo entrega na Cuerpo Policial na momento a detecta cu hacking a tuma lugar. Tambe ya caba tabatin contacto cu Interpol pa loke ta trata e aspecto internacional, tabatin contacto cu e banco akinan na Aruba y tabatin contacto cu e banco international pa cual na momento cu a constata cu ta un hacking a tuma lugar for di un IP adres na Canada, cual a wordo constata dor di e banco. Incluso ta e mes banco a yuda pa traduci e carta na chines pa por a manda esaki Hong Kong.  Esaki naturalmente a conduci na un keho formal cu a wordo entrega y investigacion ta tumando lugar.

Mirando e forma dirigente cu a haci e trabounan den e caso aki, Arubus a wordo notifica por escrito despues di bishita di director y representante legal na Hong Kong , cu lo ricibi e suma di placa bek . Ta trata aki di un suma di 500 mil Florin cu a wordo gefreeze na Hong Kong riba e peticion di Director di Arubus aki na Aruba. Debi na esaki,  un peticon a drenta di Hong Kong, cu mester ta personalmente presente pa por retira e placa aki y pa por entrega un keho oficial, notaria dor di notarionan na Hong Kong.

Un biaha mas e mandatario ta lamenta profundamente e inmadurez di miembronan di Parlamento, pa purba atrobe desacredita unda no tin otro argumento y pa purba ataca y/of critica un mandatario y ta asina involucra hendenan drechi cu no tin nada di haci cu politica.

Radio Productions


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s