Oranjestad-Minister Otmar Oduber ta lamenta e tipo di expresionnan baho y vil haci pa Sr. Dangui Oduber caminda ta papia awor di un supuesto Arubus –gate. Esaki refiriendo na e suceso di hacking cu a tuma lugar cu e cuenta bancario di Arubus.
E mandatario ta manda un conseho hopi directo pa Sr. Dangui Oduber, indicando cu e gate di mas grandi cu por por papia di dje, ta e crater cu tin den partido MEP. Cada bes cu scucha acusacionnan den direccion di miembronan di partido AVP, por mira cu esakinan ta wordo desenmascara y cu e realidad ta bin riba mesa. Pero, den e caso di Sr. Dangui Oduber ora e bira wak den direccion di su coleganan riba lista y mira e gate cu tabatin di traficacion di droga, unda a condena miembronan riba lista di partido MEP awe manera Sr. Farro. Ora bira wak gatenan cu tabatin den pasado pa corupcion pa loke ta trata falsificacion, unda Sr. Booshi Wever a wordo condena pa falsifica, esey ta e gatenan di falsificacion.
Ta trata tambe di gatenan di hit&run unda tabatin parlamentarionan, miembro di fraccion di MEP cu a wordo condena pasobra nan a bay laga hende herida atras, y a bin encontra dicho parlamentrio burachi den condicionnan cu normalmente bo lo no haya un hende cu ta carga un funcion di parlamentario , manera cu Sr. Robert Maduro a wordo haya den dje. Otro miembronan di Parlamento di fraccion di MEP, cu a wordo deteni pa polis, a bin encontra esaki patapata burachi, cu el a kere ta pitufo e ta wak y a core bay manera Sr. Junior Arends tempo e tabata forma parti di e fraccion di MEP y asina por sigui menciona mas di e gatenan aki. Esaki ta e gatenan cu Sr. Dangui Oduber mester bira wak, pues por considera esakianan e crater den su mes un partido, Minister Oduber a bisa.
Ta increibel con cada biaha Sr. Dangui Oduber ta purba acusa hendenan drechi den e comunidad aki, sabiendo cu loke e ta haciendo ta un dañamento di nomber di hendenan inocente den e comunidad aki, sin embargo tog ta scohe pa sigui haci esaki, e mandatario ta indica.
Johnnyhabibe-Anchorman 