Oranjestad-Den corant Diario di diahuebs a sali un articulo den cual ta acusa e parlamentarionan di MEP di ta laba placa. Segun Diario ta trata di transaccionnan di suma halto cu fondo publico, cu no ta wordo declara na MOT.
Lider di MEP Evelyn Wever-Croes a declara enfaticamente cu ni e, ni ningun otro Parlamentario di MEP ta meti den labamento di placa. Ademas, ningun Parlamentario di MEP tin aceso na fondonan publico, Lider di MEP a declara cu e ta reta Diario pa publica e pruebanan cu nan ta referi na dje, y si nan no por publica e pruebanan, nan mester rectifica.
Lider di MEP mas alew a bias cu esakinan ta tacticanan didesesperacion di AVP. Ta pasobra nan sa cu e credibilidad y reputacion di Mike Eman ta na werki, nan kier kibra nan oponente. Pero nan ta lubida cu nan no por crese si nan kibra nan oponente. Si nan kier crese nan mester goberna drechi, y no purba kibra oponente.
“Mi ta kere cu nan mester a bruha den partido pasobra ta partido AVP tabata envolvi den labamento di placa, y Lainda no ta den MEP”, lider di MEP a duna di conose.
Johnnyhabibe-Anchorman 