Oranjestad-Parlamentario Donny Rasmijn ultimo tempo ta cana rond bastante bruha. Te hasta ora e papia e ta papia bruha, cu lo por pone hendenan cu ta scuche pensa cu e por ta bou di influencia di algo.
Donny Rasmijn,cu tabata un profesional exitoso na Valero, a entrega su carera pa drenta politica, y awe e tambe ta sinti cu su barco berde di AVP ta hundiendo. Naturalmente ken cu ta cu ta riba e barco ey ta sea bula afo, manera djaca. of ta keda aden, y ta mustra senjalnan severo di bruhamento.
Varios di su coleganan ya ta bulando afo caba, pero e no tin caminda pa bai. E no por bai scol di polis, caminda cu tin hopi lessenaar. E no por fix su mes un trabou na hospital. No, Donny Rasmijn mester keda den e barco te ora e barco hundi.
Y pesey awor ta papia di huurmento di edificio, cu mentiranan flagrante, pasobra e huurnan di famia Croes a termina hopi tempo caba. hasi bo huiswerk mas mihor! Donny Rasmijn,si bo kier papia di huur bai splica pueblo dicon abo a permiti bo gobierno aumenta e gastonan di huur cu 33%! Y na tanchi di ken esakinan ta wordo paga!! En todo caso, no na tanchi di lider di MEP. Na tanchi di ministernan di AVP y di financiadornan di campanja si.
Pasobra Donny ta mal bruha awor e ta papia di cifranan financiero di WEB cu Elmar, cu segun Rasmijn ta hustifica cu ta masacra e pueblo aki cu medida tras di medida. Donny Rasmijn, na banda di ken bo ta para? Na banda di pueblo den sufrimento? of na banda di companianan cu tin miyones di ganashi y ta paga nan trahadornan miyones na salario?
Of acaso nan a priminti bo un trabou ora bo barco hundi, y pesey bo ta sali defende nan?
Bo no ta corda riba e 359 persona nan cu a vota pabo? No ta NAN interes bo tin cu defende na prome lugar? Of awor cu bo barco ta hundiendo, bo a lubida caba riba nan? Donny Rasmijn, miho cos cu bo por hasi ta sigi traha riba ley di cacho, esey ta algo positivo. Pasobra si bo ta traiciona bo 359 votadornan pa defende companianan multimiyonario, anto berdad, miho bo defende interesnan di cacho.
Johnnyhabibe-Anchorman 