Pelíkula edukativo ‘Un kipá den Karibe’

Posted: January 5, 2015 in Uncategorized

Oranjeastad-‘Un kipá den Karibe’ ta título di un pelíkula edukativo den produkshon, ku ta trata e identidat Hudiu Karibense. E dokumental ta un búskeda pa haña  kontesta riba e pregunta: kon ta pa ta un hudiu si bo tin raisnan Karibense? Si bo a nase i krese na Kòrsou, Aruba òf Sürnam? Kon e edukashon hudiu den Karibe ta? Kua nòmbernan, karanan i tipo di kolónan ta forma parti di e komunidat Hudiu Karibense? Kon ta visualisá e futuro di e komunidat Hudiu Karibense na Kòrsou, Aruba i Sürnam?

Motibu di e dokumental ta e eksposishon ‘Hudiunan den Karibe’ kual lo tin su apertura dia 29 di yanüari 2015 den Joods Historisch Museum na Amsterdam. Probablemente e eksposishon, kual lo ta habrí pa públiko na Amsterdam te ku yüni, lo bai Kòrsou (i Sürnam). Esnan ku a traha e  dokumental ta traha den kolaborashon ku e museo, i lo graba e trahamentu di e eksposishon tambe.

Edukashon
‘Un kipá den Karibe’ tin spesífikamente un karakter edukativo i lo keda presentá pa dos hóben hudiu; unu ku un tata Sürnam, e otro nasé na Aruba. Den preparashon pa e eksposishon, alumnonan riba e islanan i na Sürnam lo tin e oportunidat di sera konosí mas ku e tema, ku yudansa di un pakete di lès i e pelíkula. Di e forma ei nan por interkambiá pensamentu ku otro tokante temanan manera: un historia kompartí, identidat, religion i e hueyanan ku e kultura Hudiu a laga atras den nos propio kultura. Por pensa riba influensianan den e kushina Antiano i Arubano, manera por ehèmpel e kuki den forma di S, bon konosí komo lèter.

Hudiunan Karibense
Diferente Hudiu ku un pasado Kurasoleño lo hiba palabra, manera Bob Pinedo, Joëlle Joubert, David Serphos, Bertha da Costa, Maureen Levisson, Tamara, llena i Elizabeth Winkel, i Jennifer i Paulette Smit. Di banda di Aruba eseinan ta Mayra Paula i e famia Pieters-Gonzales. Asina ta forma un palèt mesklá di eksperensianan i historianan personal ku ta forma un impreshon di e identidat Hudiu Karibense. Tambe lo trata e diferensianan entre hudiunan Sürnam i Antiano.

Inisiadornan
E pelíkula ta un inisiativa di Stichting WeConnect, un fundashon Hulandes fundá pa Tanja Fraai i Mike Ho-Sam-Sooi. Den pasado nan a traha e dokumental ‘De Wonderboom, kunst van Capricorne’. WeConnect, bou di presidensia di Paul Comenencia, tin komo meta pa inisiá i realisá proyektonan edukativo den Reino. E dokumental lo ta kla na komienso di e aña eskolar 2015/2016;  durante e próksimo lunanan lo buska kolaborashon ku e kampo di edukashon i ku partnernan lokal.

Nota pa redakshon (no pa publikashon):

Un promo kòrtiku: http://youtu.be/XKcUq8kzc7c
Informashon via Stichting WeConnect:
Mail: info@stichtingweconnect.nl
Web: https://www.facebook.com/kippahcaribbean

HIT 94

HIT 94

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s