Gerick Croes (MEP): Costo di bida sostenibel mester ta prioridad

Posted: January 7, 2015 in Noticiero 94

GerickCroes

Oranjestad-Aña 2015 a habri cu diferente anuncio di proyecto door di ministernan di Gabinete Eman. Cada biaha bo ta nota cu e insistencia den proyecto y energia berde ta crece mientras e ciudadano mes ta kedando un banda. Gabinete Eman y fraccion di AVP na varios ocasion den forma di camuflahe a pretende di ta para na banda di pueblo, siendo cu medidanan na caminda ta mustra lo contrario. E pregunta e ora ey ta: Ki dia lo papia di sostenibilidad di calidad di bida? Ki dia nos por papia cu tur famia lo tin lo basico pa alimento riba nan mesa? Ki dia e consumidor por haya un “break” di tanto aumento? Na varios ocasion nos di MEP a señala cu e pueblo ta bayendo atras den su poder di compra. Esaki ta bayendo asina leu cu awendia ta parce cu lo basico a y ta birando un luho debi na subida di prijs.

Poder di compra

Durante aña 2014 fraccion di MEP a presenta 2 diferente mocion den Parlamento pa netamente laga e ciudadano tin mas placa den su man y cuida su poder di compra. E motibo mas crucial pa presenta e mocionnan aki tin di haber cu e aumento di costo di bida. Ultimo tempo comunidad a confronta su mes cu aumento di entre otro tarifanan di utilidad, productonan alimenticio sin laga afor diferente medida den 2014 y loke falta (diferente belasting) pa wordo implementa ainda den 2015 cu ta pone e ciudadano como consumidor keda bay atras. Hecho ta cu tur esakinan ta crea un efecto inflatorio y pone cu prijsnan lo sigui subi perhudicando e ciudadano. Algo cu nos partido semper a boga pe y agrega den programa di gobernacion ta pa mehora e calidad di bida pa famianan Arubano y un di e promer pasonan pa tuma ta ampliacion di e canasta basico.

 

Canasta basico

Kico ta canasta basico? Canasta basico ta un seleccion di productonan cu ta cay bou di regulacion di gobierno. Esaki ta nifica cu gobierno pa medio di Departamento di Asuntonan Economico tin e autoridad pa controla comerciantenan riba e benta di productonan aki na publico y por stipula un prijs maximo pa e productonan aki.  Remarcabel ta cu na Aruba e canasta basico aki ta un lista di solamente 11 producto cu a wordo escogi sin un base real. Pa colmo pa hopi tempo (añanan largo) e macuto basico no a wordo adapta pa por ta riba mesun liña cu necesidadnan basico actual (algo pa yora!). De facto e ta nifica cu tur loke awendia ta cay of wordo considera como uso basico no tin un prijs maximo haciendo e dificil pa e famia keda “keep up” cu aumento di prijs door di comerciantenan. Pues bo por conclui cu e ciudadano no tin proteccion pa por logra cumpra loke ta basico.

Comparacion

Si nos haci un comparacion cu esun di Corsou bo lo nota un diferencia bastante grandi pasobra nan lista ta consisti di un total di mas o menos 50 producto y ta varia den productonan di alimento, pa baby, fruta/berdura y higiena personal etc. Nos ta sigur cu e lista di Corsou lo por sirbi como un guia p’asina logra amplia esun di Aruba.

E solo hecho cu e canasta basico ta consisti di solamente 11 producto y cu pa añanan largo no a wordo amplia ta algo condenabel. Como hoben politico mi ta convenci cu ampliacion di e canasta basico ta un paso cu lo haci diferencia den e calidad di bida di ciudadanonan como consumidor. E ampliacion ta uno importante pasobra asina so e famia por logra yega tur luna na su necesidadnan basico sin cu mester pasa trabou y of pa evita abuso di aumento di prijs ora por ehempel hisa e BBO of bin cu otro medidanan. Pesey e ta sumamente necesario pa traha riba e leynan necesario. Si gobernantenan actual no haci esaki pueblo por conta cu ampliacion di canasta basico lo wordo ehecuta y cambia manera cu MEP ta den gobierno, pasobra costo di bida sostenibel mester ta prioridad!

adv-hit94fm

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s