Diasabra mainta trempan Opa a pasa busca e muchanan di e team cu ta bayendo Surinam dia 27 di Februari pa e TK5, ta bay tin teamnan di Surinam, Frans Guyana, Corsou y e team di Aruba.
E team di Aruba ta consisti di atletanan di Master Eric Barry di San Nicolas Taekwondo Center y di Brazil Taekwondo Stichting.
Aruba tin dos aña consecutivo ta gana e Copa di TK5 na Surinam y ta conta cu e di tercer biaha aki y ta preparando e team di Aruba pa asina nos team ta bon prepara. Diasabra na Baby Beach Clifford Rasmijn a cuminsa cu Speels Taekwondo pa asina poco poco subi e intensidad di e training. Un di e cosnan di mas bunita tabata cu e team a train cu nan outfit nobo. E training di diasabra na Baby Beach a conta cu un total di 20 atleta, entre otro cu 3 di Master Eric Barry di San Nicolas Taekwondo Center. E team a luci masha bunita cu nan short y t-shirt di Train Hard Fight Smart. A probecha di saca algun potret pa e calender di aña 2016 cu lo mester ta cla mas trempan e aña aki na luna di Juni/Juli. Otro siman training lo sigui na Tarcisius Kleuterschool y lo bay focus ariba e parti di Tag hunto cu e team di TK5.
Johnnyhabibe-Anchorman 