Documentario Mighty Lords, Kings and Queens ta hunga un rol importante den Aruba su cultura

Posted: January 12, 2015 in Johnny Habibe

ODUBER1

Oranjestad-Minister di Cultura Otmar Oduber a reuni dialuna merdia cu creadornan di e documentario ‘Mighty Lords, Kings and Queens: Calypso and the politics of recognition’.

Ta asina cu e documentario aki a wordo crea dor di 2 hoben profesional, Shareli Emanuelson cu ta e cineasta di e proyecto y Gregory Richardson kende ta e persona encarga pa documenta esaki y trece e documentario den un forma di buki, yama ‘Calypso and Resistance in Aruba’.

Pa Minister di Cultura ta un gran honor pa por a ricibi e presentacion di e plannan di e hobennan profesional pa cu e documentario basa riba e herencia historico di Soca y Calypso cu sigur ta hunga un rol hopi importante den cultura di Aruba.

Manera e mandatario a indica diferente na ocasion poco ta e historia di nos herencia cu ta documenta y e presentacion aki ta duna indicacion cu ya e generacion nobo tin aliento pa sa mas y pa comparti esaki.

E meta principal di e proyecto aki ta pa haci traspaso di informacion pa medio di educacion pa generacionnan cu ta bin. Esaki sigur tin bon coneccion cu e vision di e mandatario pa cu e maneho di cultura.

Ambos desaroyador a indica cu nan motivacion pa e proyecto aki ta pa sa mas di e identidad di comunidad y cultura den cuadro di e generonan di Soca y Calypso, ambos musica polular durante di celebracion di Carnaval y cu a wordo importa y adapta na nos folklore añanan atras.

Pronto e documentario aki hunto cu e publicacion lo wordo presenta na publico tanto pariba como pabou di brug.

Minister Oduber ta hopi contento di mira con e generacion nobo ta tuma e iniciativa pa cuminsa cu algo cu tin hopi nesecidad na dje y ta haci un yamado na comunidad completo pa brinda sosten na e proyecto aki.

TOP40 RADIO

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s