MEP: GOBIERNO DI MIKE EMAN SU MANEHO DI ENERGIA A FAYA Pueblo ta wordo castiga, pa Mike Eman sigi cu su fiesta “berde”

Posted: January 12, 2015 in Noticiero 94

HYDRO ENERGIA

Oranjestad – Ultimo dianan tin bastante descusion tocante e hehco cu ta na Aruba so prijs di coriente ta aumenta, mientras prijs di crudo ta bahando.
E compania di energia WEB na Parlamento a declara cu lo no sigi cu hedging, pero awor ta resulta cu asina mes nan a sigi riba instruccion di gobierno.
A consequencia di tal, prijs di crudo por baha yega te 0.00 mes, pero na Aruba e prijs di coriente ta aumenta, pasobra e gobierno aki no sa unda su cara ta para riba tereno di energia.
Mike Eman a hasi di e maneho energetico un farsa total, el’a compromete tur e directornan pa nan ta su marioneta, y laga e briya cu su maneho “green”. Tur e medidanan y maneho encamina tempo di Gobierno di MEP, dirigi pa baha prijs di coriente, nan a benta afo, pa asina por organisa cantidad di conferencia “green”, y gasta miyones y miyones na Al Gore, Wubbo Ockels dfm y Richard Branson. Tur e riconan ey ta sigi bira mas rico, y e pueblo di Aruba ta sigi bira mas poder. Mike Eman, cu esaki, a demostra un biaha mas cu e no sa goberna.
SOLUCION: HYDRO ENERGIA
E solucion mas y mas ta mustra riba hydro-energia, un tema cu awor hasta den reunionnan di Parlatino ta wordo discuti y stimula. Hidro-energia ta e UNICO forma pa baha prijs di awa y coriente. Ta trata aki di e proposicion cu MEP a bin cun’e mas di un anja caba, den cual atravez di un hydro cable, ta transporta energia procedente di Colombia, bou di awa, te na WEB, y asina por suministra henter nos isla di energia barata y limpi! Mike Eman a hasi tur lo posible pa ridiculisa e concepto aki, pero en bista cu henter Caribe ta contemplando e forma di energia aki, awor Eman ta esun cu ta mustra su propio ridicules. Eman ta un persona egoista, cu no ta importa cu pueblo ta sufri. Pa Eman, yena su propio saco, y yena saco di su amigitonan ta mas importante, mientras tanto pueblo ta paga prijs di coriente mas halto.
Radio Productions

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s