ORANJESTAD– Nunca antes pais Aruba a laga su studiantenanna Hulanda asina desampara manera awor. Un studiante Arubiano na Hulanda cu a bira malo siman pasa NO por a haya asistencia medico, pasobra e NO tin seguro. Ora el’a check cu instancianan concerni el’a wordo avisa cu minister Michelle Hooijboer a dicidi di cambia e seguro di studiantenan, dun’e na un compania cu ningun hende conose, y nada ta regla ainda. Mientras tanto e studiante ey cu a bira malo mester a bai su cas bek, y warda te dia seguro keda cla. Naturalmente su famia na Aruba no por a sinta man crusa, y mester a busca placa di tur forma pa manda Hulanda cu urgencia pa e studiante por haya atencion y cuido medico.
E situacion aki ta totalemten di condena, simplemente pasobra e gobierno aki kier privilegia su friends and family, ta hasi cos con cu ta, te na ultimo, y studiantenan ta wordo perhudica.
Varios studiante no a cumpli tampoco cu e requisitonan di cambio di seguro, pasobra nan no tabata na Hulanda na e momento ey, y awor por haya nan den problema tambe.
Un gobierno burdugo so por perhudica su studiantenan di es forma aki. Y mientras tanto minister Michelle Hooijboer ta scohe pa keda keto, sin tin di duna cuenta na pueblo. Ta na Aruba so cosnan asina por socede, cu ministernan ta actua di forma fraudulento y ta scohe pa keda keto! E minister aki tambe a faya barbaramente.
Johnnyhabibe-Anchorman 