Minister Arthur Dowers ta reuni cu gruponan di interes pa cu Maneho di Adiccion

Posted: January 12, 2015 in Noticiero 94


DOUWERSORANJESTAD: Manera anuncia anteriormente, Minister di Husticia Arthur Dowers tabatin riba su agenda pa diaranson un reunion cu tur “stakeholder” envolvi den Maneho di Adiccion, cual cartera tambe ta cay bao di su ministerio pa e periodo di gobernacion 2013-2017.

Minister Dowers a invita, ademas di e gremionan activo den tur area y disciplina di rehabilitacion, tratamento, resocialisacion, etc. di adictonan, tambe Cuerpo Policial, Serlimar, DOW y City Inspector.

Tur e gremionan invita tin e posibilidad y capacidad pa interna y/of atende cu personanan adicto, Minister Dowers a bisa. E otro organisacionnan ta forma parti di e sistema di apoyo (support system) den e lucha contra adiccion, el a añadi.

E mandatario a splica cu e meta principal di e encuentro tabata pa combersa tocante e acercamento y maneho pa cu adictonan ambulante (choller) cu lo wordo aplica na 2015. Minister Dowers a subraya cu lo traha mas proactivo compara; e ta kere den y boga pa tur e organisacionnan uni forsa, coopera y traha hunto pa asina aumenta e posibilidadnan pa e adictonan por wordo interna y haya e cuido adecua.

E beneficio grandi di trahamento hunto ta cu lo por yega na un bon reparticion di e tareanan y peso di e trabao, segun Minister Dowers. El a splica cu hunto lo traha na un forma multidisciplinario, unda cu lo por bin mas specialisacion den e tipo di tratamentonan cu ta wordo ofreci y por amplia e servicionan specialisa di acuerdo na e necesidadnan di e diferente tiponan di pashent.

Minister Dowers a splica cu tambe lo bay atende cu e situacion di desperdicio y sushi den centro di ciudad, como cu a bin nota cu tin un grupo chikito di comerciante cu ta na e rais di e problemanan existente. El a bisa cu lo bin cu un maneho specifico pa sushi y cu comerciantenan den e area lo wordo informa di e maneho aki. E titular di husticia a bisa cu esunnan cu tuma e decision di no mantene nan mes na loke ta keda palabra lo ricibi procesverbaal cu un boet considerabel.

Den e temporada nos dilanti lo bin un limpiesa grandi, lo acerca adictonan ambulante pa acepta di bay den tratamento boluntariamente y lo traha riba interna esunnan cu no ta scoge pa tuma un tratamento pero ta sigui causa molester riba caya pa medio di “onder curatelestelling”. Minister Dowers a bisa cu ademas lo percura tambe pa intervencion pa e personanan cu tin mas bien un malesa sikiatrico cu a causa y conduci na nan drogadiccion, unda cu lo busca pa interna nan pa nan haya e tratamento y guia adecua.

Minister Arthur Dowers ta pidi pa tur hende duna di nan banda y contribui na e trabao cu mester wordo haci pa tin e miho resultadonan na beneficio di henter comunidad di Aruba.

94 Class

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s