Minister Otmar Oduber Trabounan cu a inicia mas cu 5 aña pasa ta wordo refleha awe cu inicio di Welcome Plaza

Posted: January 12, 2015 in Noticiero 94

oduber-zievinger

Oranjestad-Dialuna mainta Prome Minister Mike Eman hunto cu Ministernan Benny Sevinger y Otmar Oduber, Wegenbouw, DOW, APA y demas invitado tabata presente na entrada di waf pa asina duna inicio na e ‘ground breaking’ di loke lo bira Welcome Plaza.

Minister Oduber a duna di conoce cu trabounan grandi a wordo haci e ultimo cinco añanan basa riba e vision di Prome Minister Mike Eman. El a indica cu consistencia ta loke mas ta resalta, un vision no for di momento cu Gabinete Mike Eman I a sinta, pero for di oposicion a mira tanto Premier Eman como Minister Sevinger ya caba na Cas di Partido planificando, planeando, pensando kico ta bay haci na e momento cu asumi e responsabilidad.

E mandatario a sigui splica cu consistencia a resalta pasobra a cuminsa cu e trabounan cu a wordo planifica. “Nos a bay FCCA splicanan na 2009 unda nos ta bay ta para na 2012, 2013, 2014 y awe. Tankinan cu tabata poni akinan a wordo elimina. A traha riba Caya Grandi, a termina Caya Grandi, a percura pa un tram bin. Hopi hende por a cuestiona, pero minister a bisa na diferente ocasion, tabata e yabi pa por a sinta na 2009 cu e doñ nan di tur e barconan aki cu nos a wak henter aña 2013 y 2014, no durante un periodo so, inclusive den e lunanan cu antes no tabatin barco practicamente ta bin Aruba. Nos a convencenan di e proyecto di Caya Grandi su tram cu tabata un fenomeno unico den Caribe. Nan a bin Aruba, nan a mira e desaroyo di e lugar, compromete cu nos tambe e tempo ey pasobra nan a pone mas di cien mil pasahero adicional bin Aruba dor di e desarollo cu nos a conoce aki”.

Agregando na esaki Minister Oduber a bisa cu cada pasahero crucero ta laga entre 80 pa 125  Dollar atras y e placa cu a keda den economia di e cien mil pasaheronan aki extra cu a drenta Aruba ta cubri pa gran parti di e inversion cu a tuma lugar, esaki den practicamente un aña cu nan a bishita Aruba.

Minister di Turismo a expresa igualmente cu na aña 2014 a bolbe marca record manteniendo e cantidad di pasaheronan y e consistencia. “Awe nos por culmina loke nos a cuminsa aki riba e Welcome Plaza”. Pa e proyecto aki lo bay mehora e kioskonan y ubica na un otro caminda, lo percura pa e calidad di e producto cu nos kier ofrece na nos turismo wordo eleva, lo bay tin mihor coordinacion pa loke ta trata tur esnan cu ta traha den industria, pa e tour busnan, e taxinan y pa e tram cu tin cu opera den e area aki.

Finalizando Minister Otmar Oduber a finaliza cu e palabranan aki: “Danki na e vision cu nos Prome Minister hunto cu e team di Infrastructura encabesa pa Minister Sevinger a pone dilanti pa pone Aruba dos stap dilanti nos competidornan como un producto y un destinacion cu por atrae un  turista di calidad halto. E vision aki no a cuminsa awe, no a cuminsa cinco aña pasa, e la cuminsa hopi aña pasa y nos tabata testigo di dje. Awe nos ta mira e frutonan. Pabien na Comunidad di Aruba”.

ADVERTISE 3

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s