Minister Michelle Hooyboer – Winklaar Un bon estudio ta algo cu bo mester traha pe tur dia Ban pone educacion na prome luga

Posted: January 13, 2015 in Noticiero 94

michelle

Oranjestad- 13 di januari 2015: Tur aña nos ta celebra Carnaval den e prome lunanan di aña. Preparacionnan ta wordo haci y tur kier luci mas tanto y celebra.  No obstante, ta bon pa refleha un rato riba tempo, capacidad y logronan y con pa uni tur esakinan den un forma positivo p’asina por gosa den forma sano di e temporada aki”, na palabra Minister Michelle Hooyboer–Winklaar den su capacidad di Minister di Enseñansa pero tambe como mama di dos yiu.

 

Ta esencial pa comprende e importancia di tempo, tempo cu ta bay laga nos si nos no haci uzo di dje conscientemente cu mester bin for di mayornan ya cu ta nan ta e ehempel cerca cada mucha.

 

“Conscientisacion pa comprende cu mester drumi trempan pa por ta alerta durante dia. Tambe alerta pa concentra y por analisa tur loke ta ser treci dilanti. E importancia di sosega ta vital pa crecemento sano di un mucha. Trankilidad cerca e mucha na momento cu e ta bay scol ta loke ta refleha den su comportacion. Y na final den e cifranan cu e ta trece cas. Trankilidad cu e ta haya despues di drumi largo y come bon. Esaki ta un di e puntonan cu mester tene cuenta cune den temporada di Carnaval”, asina e mandatario a sigura.

E unico persona of personanan cu por sigura cu Muchanan menor Di edad ta keda cas Si un actividad Di carnaval ta na un orario no apropia, ta e mayor mes. Ta un decision y responsabilidad cu ta completamente den nan man. Esaki pues ta un suplica na tur mayor pa tuma decision corecto y responsabel Ora ta trata actividadnan Di carnaval y nan yiunan. 

 

Mas leu el a sigui splica cu “Conscientisacion tambe den establece prioridad, prioridad di scoge pa loke ta importante den bida. Completa bo huiswerk. Traha riba loke ta ser pidi for di bo. Disciplina pa por duna back loke ta ser duna na bo cual ta sabiduria. Haci uzo di e sabiduria aki pa por combina tur bo tareanan diario y asina establece e balansa pa por participa trankilamente den Carnaval”, asina Minister Michelle Hooyboer–Winklaar a conseha.

 

“Peer Pressure” ta loke ta conduci mayoria bes na interpretacion nan eroneo  den bida di un persona. E influencia pa e hoben bebe den forma excesivo tin su consecuencianan cu lo persigui un hoben pa semper. Mientras cu si nos analisa un momento cu por celebra Carnaval den forma sano sin abuso di alcohol”.

 

Pa conclui, Carnaval ta temporada di fiesta, di celebracion, di union, di cultura, y tur esaki nos por duna mucho mas honor na dje, si nos por combina e resultado positivo di nos estudio y e celebracion sano pa nos mes.

TOP40 RADIO

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s