Minister Otmar Oduber Gabinete Mike Eman II ta mustra consistencia pa realiza plannan na bienstar di nos isla

Posted: January 13, 2015 in Johnny Habibe

ODUBER6

Minister Otmar Oduber ta indica cu ta importante pa mira e consistencia cu tin continuamente den e plannan cu a pronostica. E ta bisa esaki den cuadro di e diferente plannan realiza y cu ta den proceso relaciona cu industria di turismo crucero en especial.

E mandatario a duna di conoce esaki despues di a realiza hunto cu Prome Minister Mike Eman y Minister Benny Sevinger e ground breaking di Welcome Plaza dilanti porta di waf. El a indica cu esaki ta un otro proyecto cu cual Gobierno a compromete cu e asociacion di barconan crucero (FCCA) na momento cu a reuni cu nan.

Na final di 2014 tabatin encuentronan na Miami y un di e proyectonan grandi cu tin ta e cooperacion cu ta bay tin cu tur e museonan cu tin na Aruba. Awor ta den proceso di pone tur museo bou di un solo fundacion y Minister Oduber ta spera cu den februari di e aña aki e lo ta completamente operacional. Banda di esaki el a menciona e inversionnan cu ta wordo haci pa haya e di tres tram cu lo haci posibel e continuidad den circulacion pa por sigui hiba hendenan den Caya Grandi y moviliza e hendenan for di den Caya Grandi. Esaki no ta solamente pa turista, pero tambe pa local na momento cu e parkeer meters ta operacional y introduccion di e diferente parkeergarages.

Continuando, Minister di Turismo a duna di conoce cu a cera aña 2014 riba bon pia, mescos cu aña 2013, solamente cu un diferencia minimo pa loke ta trata e cantidad di turista crucero, cual tabata uno record na 2013. Pa 2015 ta premira atrobe cu lo mantene esaki y cuminsa mira crecemento atrobe den 2016/17 pa loke ta e cantidad di bishitantenan, pero enfocando tambe riba e producto, e calidad y cu esnan cu ta bishitanos por laga mas tanto atras den nos economia.

Minister Oduber a indica cu pa loke ta turismo crucero tin un enfoke special pa barconan mas grandi, al igual cu pa barconan mas chikito, pero di un calidad hopi halto. Relaciona cu e ultimo aki, e mandatario a agrega cu e hendenan cu ta bin riba e barconan aki ta hopi selectivo. Aña pasa a ricibi dos di nan y pa e aña aki tin un par cu ta planifica, ademas cu lo sigui busca e tipo di barconan aki.

Advertise4

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s