Oranestad-Departamento di Enseñansa Aruba (DEA) ta recorda tur esnan cu ta desea di cuminsa cu un estudio cu financiamento di Gobierno na luna di augustus / september di aña escolar 2015-2016, pa aplica pa Arubalening no mas tarda cu diabierna dia 30 di januari 2015.
Pa aplica pa Arubalening mester haci uzo di e formulario di aplicacion cu ta obtenibel pa download for di riba e website Enseñansa Aruba | www.ea.aw.
Aki tambe por haya e foyeto cu mas informacion di e procedura di aplicacion, condicion pa bin na remarca, e sumanan di e prestamo, e duracion, finalisacion y pago di e prestamo.
E peticion pa un prestamo pa estudio mester keda entrega na seccion Studiefaciliteiten di Departamento di Enseñansa Aruba. E seccion aki ta ubica riba e prome piso den e edificio di Codemsa na Cumana 69.
Pa mas informacion por acudi tambe na e website www.ea.aw of yama na 588-7600.
Johnnyhabibe-Anchorman 