Diahuebs anochi Brazil Taekwondo Stichting a reuni hunto cu su miembronan y mayornan presente ariba e puntonan cu a wordo presenta door di e directiva na Centro di Bario Brazil.
Manera cu e aña a bolter training a ranca sali y e directiva tambe, pasobra e aña aki tin hopi proyecto cu tin cu wordo ehecuta. Door cu e puntonan aki tin pioridad a yama un reunion hunto cu e mayornan pa asina por informa e mayornan, pero atrobe ta 4 so a presenta cual ta di lamenta, pero tur cos ta sigui sigun plan. E prome cos cu a wordo presenta tabata e notulen di e prome reunion di aña y tur hende presente a lesa esaki y a bay acuerdo cune.
E reunion tabata tin 11 punto di agenda na unda cu a splica tur hende den cua direccion Brazil Taekwondo Stichting ta bayendo. Un di e cosnan cu tin hopi pioridad ta e calender di aña 2016. Pasobra kier laga print esaki na luna di Juni pa asina por cuminsa cu e benta di esaki trempan. Alberto Klabér a presenta algun potret cu a wordo saca caba y kier sigui saca potret tur e dianan nos dilanti pa asina keda cla cu e capitulo di calender.
Alberto Klabér a bin cu un idea pa e benta di calender y e mayornan a apoya esaki y ta solamente e atleta ta esun cu ta bende y por yega na remarke si pa gana pa aña 2016.
Johnnyhabibe-Anchorman 