ORANJESTAD – Na 2012 Inspeccion di Remedi a informa cu Reduce Weight “Fruta Planta lossing fat capsules” cu tawata na benta na diferente supermarket/ minimarket ta contene e ingrediente activo Sibutramine y a recomenda tur hende pa no cumpra y/of uza e Reduce Weight “Fruta Planta lossing fat capsules”.
Inspeccion di Remedi a constata cu tin supermarket/ minimarket cu ta bende e Reduce weight “ Fruta Planta lossing Fat capsules” y kier a recorda tur persona cu Reduce Weight “ Fruta Planta lossing Fat capsules” ta contene subitramine.
Sibutramine ta un remedi controla cu for di 2010 no ta mas riba mercado pa motibo di seguridad. Sibutramine ta hisa presion y/of e pulso y tin un risico pa problema cardiovascular.
Ademas e por tin interaccion cu un remedi cu bo ta uzando.
Tur persona cu tin e Reduce Weight “Fruta Planta lossing fat capsules” lo mester stop di uza e producto y mester benta e producto afo inmediatamente. Si bo a experencia cualkier efecto secundario door di e uzo di e Reduce Weight “Fruta Planta lossing fat capsules” ta miho pa bo consulta bo dokter.
Johnnyhabibe-Anchorman 